39வது திருமண நாள்

10-9-2019

அருட்பேராற்றலின் கருணையினாலும் 

குருவின் திருவருளாலும் 

பெற்றோர்களின் ஆசிகளினாலும் 

இந்த 39ம் திருமண ஆண்டு 

எங்களுக்கு சாதனை ஆண்டாகத் திகழ 

அமைய வேண்டுகின்றோம் !

எங்கள் மீது என்றும் அன்பும் கருணையும் கொண்டு 

வாழ்த்திவரும் உடன் பிறந்தோர்,

உறவினர்கள், நண்பர்கள் மற்றும் 

மனவளக்கலை அன்பர்கள் அனைவருக்கும் 

நன்றி மலர்கள் !

வாழ்க வளமுடன்!

TO SEE THE OLD POSTS CLICK   here

HAPPY BIRTHDAY AMMA & SEKAR

நான் பிறப்பதற்கு முன்பிருந்தே என்னை நேசித்து, தன்  இறுதி நாள் வரை என்னை அன்பால் குளிப்பாட்டிய என் அன்னை அபயாம்பாள் அவர்களுக்கு இன்று 106வது பிறந்த தினம்.

அம்மாவிடமிருந்து நான் கற்றுக்கொண்டவை, அவர்கள் எனக்கு சொல்லிக்கொடுத்தது - ஒரு சிறந்த ஆசிரியராக இருந்தார்கள்.
இன்று ஆசிரியர் தினம் கொண்டாடப்படுவது நல்ல பொருத்தம்!


அம்மா பற்றிய முன்றைய பதிவகள் படிக்க இங்கே சொடுக்கவும்

1997 - getting blessings from Amma 

சேகர் ( என் சகோதரர் சுவாமிநாதனின் மூத்த மகன் ) நான் சிறுவனாக இருந்தபோது வந்த புது வரவு. அவன் பிறந்த செய்தி கேட்டதும் , நான் குழந்தையைப் பார்க்க தலை தெறிக்க ஓடியது இன்னும் ஞாபகமுள்ளது.
மலரும் நினைவுகளில் சொல்வதற்கு ஏராளமாய் உள்ளது. இன்று சேகர் இருந்திருந்தால் 60வது வயது துவங்கியிருக்கும். பணியில் நிறைவு ஆண்டாக இருந்திருக்கும்.

தெய்வத்திரு சந்திரசேகரன்  1960-2009

சேகருக்கு பேரன் பிறந்திருக்கின்றான். அவனே மறுபடியும் எங்களுடன்  இருக்க வந்திருப்பதாகவே இந்த கொள்ளு தாத்தா எண்ணுகிறேன்/உணர்கிறேன்..

தெய்வங்களாக நின்று வழிநடத்திக்கொண்டிருக்கும் அம்மாவுக்கும், சேகருக்கும் எங்கள்  குடும்பத்தினர் அனைவர் சார்பிலும் இதயபூர்வ அஞ்சலி !

வாழ்க அம்மா புகழ்!

வாழ்க சேகர் புகழ்!

மனைவி நல வேட்பு நாள்

மனைவி  நல வேட்பு நாள்  

இல்லாள் அகத்­தி­ருக்க இல்­லா­தது ஒன்­று­மில்லை! 

ஓவ்­வொரு ஆணும் தனது வாழ்க்­கைத்­து­ணையை நன்­றி­யோடுவாழ்த்த    ‘ மனைவி நல வேட்பு நாள்’ என்ற கொண்­டாட்­டத்தை அறி­முகம்செய்­தவர் அருட் தந்தை வேதாத்­திரி மகரிஷி. 

உல­கிலே தந்­தையர் தினம், அன்­னையர் தினம், ஆசி­ரியர் தினம், குழந்­தைகள் தினம், காத­லர்கள் தினம், நண்­பர்கள் தினம்,மகளிர் தினம்,முதியோர் தினம், ஊன­முற்றோர் தினம், என தனித்­த­னியே கொண்­டாடிமகிழ்­கின்­றனர். சுமங்­கலி பூஜையை கணவன் நல­னுக்­காக மனை­வி­யரும் வேண்­டு­கி­றார்கள். குடும்­பத்­துக்­காக தன்னையே அர்ப்­ப­ணிக்கும் மனை­விக்கு நன்றி சொல்ல வேண்­டாமா? ஓவ்­வொரு ஆகஸ்ட்30 ஆம் தேதி    ‘ மனைவி நல வேட்பு நாள்’ உல­கெங்­கு­முள்ள மன­வ­­ளக்­கலை அன்­பர்­களால் உற்­சா­க­மாகக் கொண்­டா­டப்­ப­டு­கி­றது. 

பெண்­மையைப் போற்றி பணிந்து புகழ்ந்து வாழ்ந்த மனிதன் எப்­போதும்கெட்­ட­தில்லை. பெண்­ணி­னத்தை மதிக்­காத தனி மனி­தனோ,சமு­தா­யமோ உயர்­வ­டைந்­த­தாக சரித்­திரம் இல்லை. எந்தச் சமு­தாயம் பெண்­மையை போற்றி அவர்­க­ளுக்கு மதிப்­ப­ளித்து வாழ்­கி­றதோ அந்த சமு­தா­ய­ம்தான் அறி­விலும்,ஆன்­மீ­கத்­திலும் சிறப்­புற்று விளங்கும். 

மனை­வியர் தின­மான இந்­நன்­னாளில்* பெற்­றோரை, பிறந்தஊரை,.உற­வு­களை பிரிந்து, உங்­க­ளுக்கு தொண்­டாற்றி, இனி­மை­யாக,இன்­ப­மாக உங்­க­ளுக்­காக தன்­னையே முழு­மை­யாக அர்ப்­ப­ணித்துவாழும் அன்­புக்கும், பாசத்­துக்கும் உரித்­து­டைய மனை­வியை ஒவ்­வொரு கண­வரும் மதித்து, வாழ்த்தி உங்­களின் மாசற்ற அன்­பினால்அவர்­களை நனைத்­தி­டுங்கள். 

11 ஆண்டுகளுக்கு முன் கொழும்புவில் நடைபெற்ற மனைவி நல வேட்பு விழாவில் மாலா ஆற்றிய உரை கேட்க இங்கே சொடுக்கவும்

One more link below

link

SLEEP - 6

தூக்கத்துக்கு உதவும் 4-7-8 ஃபார்முலா!

நன்றி  - டாக்டர் விகடன்  15-7-19 இதழ் 

உடல், மனம் இரண்டுக்கும் ஓய்வு தருவது தூக்கம். ஆனால், இன்று பலருக்கு மாத்திரைகளின் மூலம்தான் தூக்கம் வசமாகிறது. ``மாத்திரைகளை நாடாமல் இயற்கையான முறையில் ஆழ்ந்து தூங்க வழி இருக்கிறதா?’’ மனநல மருத்துவர் ஸ்வாதிக் சங்கரலிங்கத்திடம் கேட்டோம்.

“இன்று மொபைல்போன் பலரது வாழ்க்கையை முழுமையாக ஆக்கிரமித்திருக்கிறது. டி.வி., கம்ப்யூட்டர், மொபைல் என எப்போதும் ஒளிவீசும் ஏதோவொரு திரையைப் பார்த்துக்கொண்டேயிருப்பதால், கண்களும் மூளையும் சோர்வடைகின்றன. அவை இயல்புக்குத் திரும்ப, குறைந்தது ஒரு மணி நேரமாவது ஆகும். எனவே, தூங்கத் தயாராவதற்கு ஒரு மணி நேரத்துக்கு முன்னர், இவற்றையெல்லாம் தவிர்க்க வேண்டும். மொபைல்போன் அருகிலிருந்தால் அடிக்கடி அதை எடுத்துப் பார்க்கத் தோன்றும். எனவே, அதைத் தொலைவில் வைத்துவிடுங்கள். படுக்கையறையைத் தூங்குவதற்கு மட்டுமே பயன்படுத்த வேண்டும். படுக்கையில் உட்கார்ந்துகொண்டு ஆபீஸ் வேலைகளைச் செய்வதோ, டி.வி., கம்ப்யூட்டர், லேப்டாப் பார்ப்பதோ கூடாது. அதோடு, தூக்கத்துக்குத் தயார்ப்படுத்தும் ‘ஸ்லீப் ஹைஜீன்’ நடவடிக்கைகளையும் அவசியம் பின்பற்ற வேண்டும்.

அதென்ன ஸ்லீப் ஹைஜீன்?

1. தினமும் குறிப்பிட்ட நேரத்தில் உறங்கச் செல்ல வேண்டும். குறிப்பிட்ட நேரத்தில் படுக்கையிலிருந்து எழுவதையும் பழக்கப்படுத்திக்கொள்ள வேண்டும்.

2. தூங்கச் செல்வதற்குக் குறைந்தது இரண்டு மணி நேரத்துக்கு முன்னர் சாப்பிட்டுவிட வேண்டும்.

3. இரவில் தயிர், முட்டை, இறைச்சி போன்ற உணவுகளைத் தவிர்த்துவிட்டு, எளிதில் செரிமானமாகும் உணவுகளை உண்ண வேண்டும்.

4. மனதை ஒருநிலைப்படுத்தும் யோகா, தியானம், மூச்சுப்பயிற்சி போன்றவற்றைச் செய்யலாம்.

5. மதியம் உறங்கும் பழக்கமுள்ளவர்கள்,

20 நிமிடங்களுக்கு மேல் தூங்கக் கூடாது.

6. மாலை 6 மணிக்கு மேல் உடற்பயிற்சி செய்யக் கூடாது; டீ, காபி, குளிர்பானங்களை அருந்தக் கூடாது. மது அருந்துவதையும் தவிர்க்க வேண்டும். இவையெல்லாம் ஆழ்ந்த தூக்கத்தை பாதிக்கும்.

7. மாலை நேர நடைப்பயிற்சி இரவில் ஆழ்ந்த தூக்கத்துக்கு வழிவகுக்கும். வெகு நேரம் தூக்கம் வரவில்லையென்றால், எழுந்து ஒரு குறுநடை நடந்துவிட்டு வரலாம்.

8. படுக்கைக்குச் சென்ற பிறகு அடுத்த நாள் வேலை பற்றி யோசிக்கக் கூடாது. தீர்வே கிடைக்காத பிரச்னைகளைப் பற்றியும் யோசிக்கக் கூடாது.

9. நள்ளிரவில் கண்விழித்தால் இயல்பாக இருங்கள்.

10. மெல்லிசை அல்லது பாடல்களைக் கேட்பது தூக்கத்தை வரவழைக்கும்.

11. இரவில் பசும்பால் அருந்துவதும், ஆப்பிள், வாழைப்பழம் இரண்டையும் கலந்து சாலட் செய்து சாப்பிடுவதும் நிம்மதியான தூக்கத்தை வரவழைக்கும்.

12. படுக்கைக்குச் செல்லும்போது தளர்வான உடைகளை உடுத்துவது நல்லது. நனைந்த, இறுக்கமான உள்ளாடைகளுடன் தூங்கச் செல்லக் கூடாது.

தூக்கம் வரவழைக்கும் டெக்னிக்ஸ்!

புத்தகம் படிப்பது, பாடல்கள் கேட்பது போன்ற பழக்கங்கள் தூக்கம் வரவழைக்க உதவும். ஆனால், அவை எல்லோருக்கும் பொருந்தும் என்று சொல்ல முடியாது. தூக்கம் வரவழைக்க சில வழிமுறைகள் உள்ளன.

100 வரை எண்ணுங்கள்!

படுக்கை அறைக்குச் சென்றதும் 100-லிருந்து `99, 98, 97...’ என்று பின்னோக்கி எண்ண வேண்டும். இப்படி எண்ண ஆரம்பித்தால், முழு கவனமும் அதில் சென்றுவிடும். இதனால் மனம் ஒருநிலைப்படுத்தப்பட்டு, சிறிது நேரத்தில் உங்களை மறந்து தூங்கிவிடுவீர்கள்.

4 - 7 - 8 ஃபார்முலா!

`4 - 7 - 8’ என்ற மூச்சுப்பயிற்சி டெக்னிக் சில மேற்கத்திய நாடுகளில் பரிந்துரைக்கப்படுகிறது. தூக்கமின்மையால் அவதிப்படுபவர்களுக்கு `ஆண்ட்ரூ வீல்’ (Andrew Weil) என்ற விஞ்ஞானியால் அறிமுகப்படுத்தப்பட்ட ஓர் எளிமையான வழி இது. ‘மூச்சுவிடுவதில் கவனம் செலுத்தினால், மன அழுத்தம் கட்டுப்பாட்டுக்குள் வரும்’ என்கிறார் அவர். அதாவது, `உள்மூச்சு மற்றும் வெளிமூச்சை விடும்போது மூளை, தன் செயல்பாடுகளை நிறுத்திவிட்டு, அமைதியான நிலைக்குத் தானாகவே வந்துவிடும். இந்தப் பயிற்சியை தொடங்குவதற்கு முன்னர் வாய்வழியாக `வுஷ் வுஷ்ஷ்...’ என்னும் சத்தத்தை எழுப்பி, உங்கள் மூச்சை முழுமையாக வெளியேற்ற வேண்டும்’ என்று கூறும் அவர் கீழ்க்காணும் பயிற்சிகளைச் செய்யச் சொல்கிறார்.

ஸ்டெப் 1:

கண்களை மூடியபடி நான்கு விநாடிகளுக்கு மூச்சை நன்றாக உள்ளே இழுத்துவிட வேண்டும். விநாடிகளைக் கணக்கிட `1, 2, 3, 4...’ என்று மனதில் எண்ணிக்கொண்டு மூச்சை உள்ளே இழுக்கலாம்.

ஸ்டெப் 2:

உள்ளே இழுக்கப்பட்ட மூச்சுக்காற்றை ஏழு விநாடிகள் உள்ளேயே நிறுத்திவைத்து அமைதியாக இருக்க வேண்டும்.

ஸ்டெப் 3:

எட்டு விநாடிகளுக்கு மூச்சுக்காற்றைச் சீராக வெளியேற்ற வேண்டும். இப்படி, தொடர்ந்து மூன்று முறை செய்ய வேண்டும். தொடர்ச்சியாகச் செய்யும்போது, உறக்கம் கண்களைத் தழுவும். அடுத்த மூன்று நிமிடங்களில் உங்களுக்கு ஆழ்ந்த உறக்கம் வந்துவிடும்.

கவனம்: இந்த டெக்னிக்கை எல்லோராலும் பின்பற்ற முடியாது. சைனஸ் இருப்பவர்கள், முதியவர்கள், நுரையீரல் தொடர்பான நோயாளிகள் இதைத் தவிர்க்கவும்.

ரிலாக்ஸ்!

தூங்குவதற்காகப் படுக்கைக்குச் சென்றதும் கீழ்க்காணும் ஐந்து ஸ்டெப்களைப் பின்பற்ற வேண்டும்.

ஸ்டெப் 1

முகம் மேல்நோக்கி இருப்பதற்கு வசதியாகத் தலையணையை வைத்துக்கொண்டு, மல்லாந்து படுத்து, கண்களை மூட வேண்டும். வாய், தாடை, முகத்தசை என முகத்தின் அனைத்துப் பகுதிகளையும் அசைக்காமல் ரிலாக்ஸ் செய்ய வேண்டும்.

ஸ்டெப் 2

உடலின் இருபுறமும் கைகளை நேராக நீட்ட வேண்டும். உள்ளங்கை விரல்களை விரித்துவைக்க வேண்டும். இதனால் தோள்பட்டை, கைகள் ரிலாக்ஸ் ஆகும்.

ஸ்டெப் 3

நன்றாக மூச்சை இழுத்து மார்புப் பகுதியை ரிலாக்ஸ் செய்ய வேண்டும். பிறகு மூக்கில் தொடங்கி, நுரையீரல்வரை காற்று உள்ளே சென்று வருவதை சில நிமிடங்கள் கவனிக்க வேண்டும்.

ஸ்டெப் 4

தொடைப்பகுதியிருந்து பாதம்வரை ரிலாக்ஸ் செய்ய வேண்டும். இந்த நான்கு ஸ்டெப்களைச் செய்து முடிக்கும்போது, தலை முதல் கால்வரை ரிலாக்ஸாகியிருக்கும்.

ஸ்டெப் 5

அடுத்து மனதை ரிலாக்ஸ் செய்ய வேண்டும். சில நினைவுகளை மனதில் கொண்டுவரும்போது, எண்ணங்கள் சிதறாமல், மனம் அமைதியான நிலைக்கு வந்துவிடும். உதாரணமாக, அமைதியான ஏரி... அதில் மிதக்கும் படகில் நீங்கள் மட்டுமே இருப்பதுபோல நினைத்துக்கொள்ளுங்கள். அல்லது உங்களைச் சுற்றிலும் எதுவும் இல்லாமல் திறந்தவெளியில் படுத்திருப்பதுபோல, வானத்தில் நிலா, நட்சத்திரங்கள் இருப்பதுபோலக் கற்பனை செய்துகொள்ளுங்கள். உயரமான மலையிலிருந்து கொட்டும் நீர்வீழ்ச்சி அல்லது இயற்கை எழில் நிறைந்த சூழல் என எதை நினைத்தால் உங்கள் மனம் ரிலாக்ஸ் ஆகுமோ அதைக் கற்பனையாக நினைத்துக்கொள்ளலாம். இவற்றைச் செய்தும் மனம் ரிலாக்ஸ் ஆகவில்லையென்றால், ‘யோசிக்காதே, யோசிக்காதே...’ என்று மனதுக்குள் சொல்லிக்கொள்ள வேண்டும்.

இந்த டெக்னிக்குகளில் ஏதாவது ஒன்றைப் பின்பற்றினால், அன்றைய நாளின் பிரச்னைகள் மறந்துபோயிருக்கும். ஆரம்பத்தில் இந்த டெக்னிக்குகள் வேலை செய்யாததுபோலத் தோன்றினாலும், மூளைக்கு இது ஒரு பயிற்சியாக மாறி தூக்கத்துக்கு உதவும்.

குறட்டை, தூக்கத்தில் நடப்பது, வாய்வழியாக மூச்சுவிடுவது போன்ற குறைபாடுகளுக்கு காது, மூக்கு, தொண்டை மருத்துவரிடம் சிகிச்சை பெற வேண்டும். இன்சோம்னியா (Insomnia) போன்ற தீவிரமான தூக்கமின்மை பிரச்னை இருப்பவர்கள் மருத்துவர் ஆலோசனைப்படி செயல்படுவது நல்லது.

SLEEP - 6 ( Yoga Nidra )

INVENTIONS - !

RULES ...11

YOU ARE SO SPECIAL!.....13

எந்தன் நெஞ்சில் நீங்காத தென்றல் நினைவுகள் - 30

உலக குடும்ப தினத்தை ஒட்டி 15-5-19 அன்று மாலா முகநூலில் 19-5-2012ல்  ஞானவயலில் வெளியான போட்டோ மற்றும் செய்தியினை தெரிவித்திருந்தாள். இந்த இரண்டு நாளில் பலநூறு பேர்கள் இதை பார்த்தது, விவரம் கேட்டது எனக்கு பலப்பல மலரும் நினைவுகளைத் தூண்டிவிட்டது.

அனைவருக்கும் நன்றி. 

இன்றைய எங்கள் குடும்ப இரண்டாம், மூன்றாம் தலைமுறையினர் போட்டோவில் உள்ளவர்களை பற்றிக் கேட்டதினால் 
ஒவ்வொருவரையும் பற்றி கொஞ்சம் -

4-7-1974 அன்று என் அப்பாவின் 60ம் ஆண்டு நிறைவின்போது எடுத்த போட்டோ -

அப்பாவிற்கு 5 இளைய சகோதரர்கள், 1 சகோதரி. ஒரு சகோதரரும், சகோதரியும் இளமையிலேயே மறைந்துவிட்டார்கள்.  அப்பாவின் மற்றைய 4 சகோதரர்கள் மற்றும் அவர்கள் குடும்பத்தினர், நாங்கள் ( 3 சகோதரர்கள், 2 சகோதரிகள் ) அனைவருமே அப்பா, அம்மா சொல்கேட்டு வேத வாக்காக வழி நடந்தவர்கள்.

என் இளைய பருவம் 14 வயதுவரை ( சிதம்பரம் சென்று படிக்கும்வரை ) இவர்கள் காட்டிய பாசமழையில்தான் கழிந்தது, ஒவ்வொருவரையும் பற்றி நினைக்கும்போது உணர்ச்சிகள் பொங்கி கண்ணீராக வழிகின்றது.

இனி ஒவ்வொருவரையும் பற்றி -

முதலில் தரையில் அமர்ந்திருப்பவர்கள் ( இடமிருந்து வலம் )

1. திருமதி கலைச்செல்வி நடராஜன் ( எனது சித்தப்பா அமரர் சிதம்பரம் அவர்கள் மகள் ) - ஒரு மகள், ஒரு மகன், மகள் Ms கௌரி தற்போது கணவனுடன் இரு குழந்தைகளுடன் NewJersy US ல் வசிக்கிறாள் 

2. திரு விஜயராகவன் ( எனது சித்தப்பா அமரர் ராமன் அவர்களின் மகன் ) -
மனைவி மற்றும் இரண்டு மகன்களுடன் ஹைதராபாத்தில் வசிக்கிறார்.

3. திரு இளங்கோவன் ( எனது சித்தப்பா அமரர் சிதம்பரம் அவர்களின் மூன்றாவது மகன் ) - Dr N A பெருமாள் /ஆழியார் அவர்களின் சகோதரர் மகளை மணந்து ஒரு மகனுடன் வசிக்கிறார்.

4. எனது கடைசி சித்தப்பா அமரர் ஆறுமுகம் - ஐஸ் பாக்டரி /அருணா ரேடியோஸ் இரண்டையும் சிறப்பாக நடத்தியவர். இயக்குனர் T ராஜேந்தர் தன்  சிறுவயதில் இக்கடைக்கு வந்து  பாடல்கள் கேட்டு தன் இசை ஞானத்தினை வளர்த்துக்கொண்டதாக கூறுவார். சித்தப்பா திருமணம் செய்துகொள்ளாமல் பலருக்கும் உதவிகள் செய்துகொண்டே இருப்பார். என் மீது தனி பாசமும், அன்பும் கொண்டவர்.

5. சித்தப்பா கையில் இருக்கும் குழந்தை என் சகோதரி துளசி அவர்களின் மகன் - தவமாய் பெற்ற குழந்தை - எப்போதும் சிரித்துக்கொண்டே இருக்கும் - எல்லோரிடமும் தாவிச்  செல்லும் இக்குழந்தை இப்போட்டோ எடுத்த அடுத்த ஓராண்டில் எங்களைவிட்டு மறைந்தது மிகப் பெரிய இழப்பு.

6. திரு பாலசுப்ரமணியன் ( எனது சித்தப்பா திரு வைத்திலிங்கம் அவர்களின் கடைசி மகன் ) - திருமணமாகி ஒரு மகள்.

7.திரு வெங்கடேசன் (  எனது சித்தப்பா திரு வைத்திலிங்கம் அவர்களின்
மகன் ) திருமணமாகி ஒரு மகளுடன் வசிக்கிறார்.

8. திருமதி விஜயலக்ஷ்மி முத்துக்குமார் ( எனது சகோதரி துளசி அவர்களின் மூத்த மகள் ) - கணவன் மற்றும் இரண்டு மகன்கள் சென்னையில் வசிக்கிறார்கள். ஒரு மகன் திரு அர்விந்த் Amazon /லண்டனில் வேலை பார்க்கிறார்.

அடுத்தது நாற்காலிகளை அமர்ந்திருப்பவர்கள்  ( இடமிருந்து வலம் ) -

1. எனதுசித்தப்பா அமரர் ராமன் - மனைவி , ஒரு மகள், ஒரு மகன் 
விவசாய துறையில் பணியாற்றி நிறைவாக வாழ்ந்தவர்.

2. எனது சித்தப்பா அமரர் சிதம்பரம் - மனைவி, மூன்று மகன்கள், ஒரு மகள். லேபர் துறையில் சிறப்பாக பணியாற்றியவர். கலைஞர் மற்றும் MGR அவர்களுடன் சிறுவயதிலிருந்தே தொடர்பு  வைத்திருந்தவர்.  அனைவரிடமும் மதிப்பு பெற்றவர்.

3. எனது சித்தப்பா  அமரர்  வைத்திலிங்கம்  - மனைவி, ஒரு மகள், ஐந்து மகன்கள் .நகராட்சி மேலாளராக சிறப்பாக பணியாற்றியவர். என் உயிரைக் காப்பாற்றியவர் ( இதுபற்றி படிக்க இங்கே சொடுக்கவும் )

4. அப்பா, சித்தப்பாக்களின் அத்தை - போட்டோவில் உள்ள அத்துணை பேர்களையும் வளர்த்தவர்கள். சலிக்காமல், வேலை பார்ப்பார்கள். 

5. அடுத்து என் அம்மா அமரர் அவயாம்பாள் - இப்போட்டோவில் உள்ள அனைவரின் நலத்திற்காக பாடுபட்டவர் ( அம்மாவைப் பற்றி படிக்க இங்கே சொடுக்கவும் ). M  BA படிக்காமலேயே குடும்ப நிர்வாகயியலைக் கரைத்துக் குடித்தவர்.இறுதிக்காலம் வரை கற்றுக்கொண்டே இருந்தவர். மேலே தொடரமுடியாமல் கண்ணீர் வழிகின்றது.

6. அடுத்து என் அப்பா அமரர் சுப்பிரமணியன் - கணித மேதை ஆனால் SSLC க்கு மேலே படிக்க அருகில் கல்லூரி இல்லை. மயிலாடுதுறை நகராட்சியில் மேலாளராக சிறப்பாக பணியாற்றியவர். வாழ்நாள் முழுதும் பிறருக்காக உதவி செய்து வாழ்ந்தவர். கோடி முறைக்கு மேலே ராம ஜபம் செய்தவர். 85 லட்சம் முறை ஸ்ரீராமஜெயம் எழுதியவர். ஓய்வில்லாமல் இறைப்பணி. சமுதாயப்பணி ஆற்றியவர்.

7. அடுத்து என் மூத்த சகோதரர் அமரர் சுவாமிநாதன் - SSLC தேர்வு எழுதிய அடுத்தநாளிலிருந்து அரசாங்கப்பணியில் 45 ஆண்டுகளுக்கு மேலாக பணியாற்றியவர். பனி ஓய்வு பெறும்போது விவசாயத்துறை உதவி இயக்குநராகப் பணியாற்றினார். மனைவி , இரண்டு மகன்கள் ( சந்திரசேகரன், சுந்தரராமன் )

8. என் அடுத்த சகோதரர் திரு நடராஜன் - மனைவி ஒரு மகன், ஒரு மகள்.
மயிலாடுதுறையில் வசித்து வருகிறார். இந்தியா முழுதும் உள்ள அத்துணை இடங்களுக்கும் கைலாஷ், பத்ரிநாத், கேதார்நாத்  உட்பட  புனித யாத்திரை சென்று வந்தவர். என்னை படிக்க வைத்ததில் இவருக்கு பெரும் பங்கு உண்டு. 
மகன் சிவராமன் மனைவி, மகளுடன் சிகாகோ /US ல் வசிக்கிறார். அடுத்த மாதம் நானும், மாலாவும் இவர்களுடன் இருக்க செல்கிறோம்.

9. என் சகோதரி சிவகாமி அவர்களின் கணவர் அமரர் இரத்தினசபாபதி -
ப்ரூக்பாண்ட் நிறுவனத்தில் சிறப்பாக பணியாற்றி சாதனைகள் புரிந்தவர். திருப்பணி செல்வர். சமுதாயத் தலைவராக சாதித்தவர்.
குழந்தைகள் இல்லை என்றாலும் நிறைய பேர்களுக்கு உதவியவர்.

10. எம் இதயதெய்வம் திரு ஆறுமுகம் - சகோதரி துளசி அவர்களின் கணவர். அண்ணாமலைப் பல்கலைக்கழகத்தில் இயற்பியல் பேராசிரியராக பணியாற்றியவர். என்னை  படிக்க வைத்து 
ஆளாக்கியவர். SSLC  முடித்து 8 ஆண்டுகள் சிதம்பரத்தில் இவர்கள் வீட்டில் தங்கி படித்தது -என் வாழ்வில் திருப்புமுனை. என்னைப் போல் பலரையும் படிக்கவைத்தவர். தற்போது தனது இளைய மகள் உமாவுடன் கோயமுத்தூரில் வசிக்கிறார். 80 வயது நிறைவு பெற்றுவிட்டது. சற்றே  உடல்நலமின்றி இருக்கும் அவர் பூரண நலமடைய வாழ்த்திக்கொண்டே இருக்கின்றோம்.

அடுத்து கீழ் வரிசையில் நிற்பவர்கள் ( இடமிருந்து வலம் )

1. திருமதி ராஜம் ராமன் - சின்னம்மா தற்போது மகன் விஜராகவனுடன் 
வசித்து வருகிறார்.

2. திருமதி சாரதா சிதம்பரம்  - சின்னம்மா தற்போது மகன் செல்வராஜுடன் சென்னையில் இருக்கிறார்.

3. திருமதி சிவகங்கை வைத்திலிங்கம் - மயிலாடுதுறையில் மகன் சிவகுமார், பாலசுப்ரமணியனுடன் வசிக்கிறார்.

4. திருமதி மங்கையற்கரசி கணேசன் ( சித்தப்பா வைத்திலிங்கத்தின் மூத்த மகள் ) - எனது சிறுவயது முதல் தோழி. இரு மகள்கள்  ஒரு மகள் ஜெயசூர்யா கணவன், இரு மகள்களுடன் Houston / US ல் வசிக்கிறார்.

5. திருமதி பானுமதி - இரு மகள்களுடன் மயிலாடுதுறையில் வசிக்கிறார்.

6. அடுத்து அமரர் அண்ணி சரஸ்வதி சுவாமிநாதன்  - என்னை வளர்த்தவர்களில்  ஒருவர்  -  இவரின் இறுதிக்காலம் எங்களுடன் திருச்சியில் கழிந்தது.

7. அடுத்து அண்ணி கலைவாணி நடராஜன் அண்ணனுடன் மயிலாடுதுறையில் வசிக்கிறார். அண்ணனுடன் இந்தியா முழுது சுற்றி வந்தவர்.

8. அடுத்து பெரியக்கா சிவகாமி இரெத்தினசபாபதி - சிறுவயதில் என்னை வளர்த்தவர் . குழந்தை இல்லாததால் இன்னும் என்னை மகனாக 
வளர்ப்பவர். மயிலாடுதுறையில் வசிக்கிறார். 80 வயது நிறைவடையப்போகின்றது.

9. எனது சகோதரி அமரர் துளசியக்கா. இன்று எனது எல்லா வளம் /நலத்திற்கு காரணமானவர். என்னை பண்புடன்/ ஒழுக்கத்துடன் வளர்த்தவர். 8  ஆண்டு காலம் என்னை கல்லூரியில் படிக்க வைத்தவர். நல்ல பண்புகளை கற்றுக் கொடுத்தவர். இவர் பெருமை பற்றி ஒரு புத்தகமே எழுதலாம். உள்ளுணர்வு அதிகம் உள்ளவர். இவர் சொன்னதெல்லாம் நடந்துள்ளது.

மேல் வரிசையில் நிற்பவர்கள் ( இடமிருந்து வலம் )

1. திரு செல்வராஜ் ( சித்தப்பா சிதம்பரம் அவர்களின் மூத்த மகன் )  வங்கித்துறையில் பணியார்றிஓய்வு பெற்று மனைவி, மகளுடன் சென்னையில் வசிக்கிறார் 

2. திரு சிவகுமார் ( சித்தப்பா வைத்திலிங்கம் அவர்களின் மகன் ) - மனை, மகனுடன் மயிலாடுதுறையில் வசிக்கிறார்.

3. திரு சுந்தரராஜன் ( சித்தப்பா வைத்திலிங்கம் அவர்களின் மகன் ) - மனைவியுடன் மயிலாடுதுறையில் வசிக்கிறார். 

4. அடுத்து 20 வயது JP ! ஒரே மகன் ஸ்ரீராம். மனைவியுடன் US ல் வசிக்கிறார். அடுத்த மாதம் நாங்கள் இவர்களுடன் இருப்போம்.

5. அடுத்து பெரியண்ணன் சுவாமிநாதனின் இரண்டாவது மகன் திரு சுந்தரராமன்-ஷீலா   -  தற்போது மனைவி, இரு மகள்களுடன் US ல் வசிக்கிறார்
இரு மகள்களும் அறிவுஜீவிகள்.

6. அடுத்து பெரியண்ணன் சுவாமிநாதனின் மூத்த 
மகன் அமரர் சந்திரசேகரன் - நெய்வேலி NLC யில் பணியாற்றியபோது எதிர்பாராத மறைவு.  மனைவி, மற்றும் இரு மகன்கள். முதல் மகன் திரு பிரசன்ன கணேஷ் கத்தாரில் பணியாற்றுகிறார். இரண்டாவது மகன் IIM முடித்து பெங்களூரில் வேலை.அடுத்த மாதம் பிரசன்ன கணேஷ் தந்தையாகப் போகிறார் - நாங்கள் கொள்ளு தாத்தா - கொள்ளு பாட்டியாகப் போகிறோம்.

7. அடுத்து திரு பாஸ்கரன் ( சித்தப்பா வைத்திலிங்கம் அவர்களின் மகன் )
கல்வித்துறையில் பணியாற்றி மயிலாடுதுறையில் வசிக்கிறார். ஒரு மகன்

8. அடுத்து திரு தர்மராஜ்  (  சித்தப்பா சிதம்பரம் அவர்களின் இரண்டாவது மகன் )  - மனைவி,  மகன், மகளுடன் சென்னையில் வசிக்கிறார்.


சுருக்கமாக விவரங்கள் சொல்லியுள்ளேன். மேலும் விவரங்கள்/போட்டோக்கள் இங்கே பதிவிடலாம்.

என் மீது அன்பும் 

பாசமும் பொழிந்து என் இளமைக்காலத்தை இனிதே அமைத்த என் இனிய உறவுகளே .....

உங்களிடம் நான் பட்டுள்ள நன்றிக்கடனைத்  திருப்பித் தந்துள்ளேனா 

என்று நினைக்கும்போது குற்ற உணர்வே ஏற்படுகின்றது....

35 பேர்களாக இருந்த இக்குடும்பம் தற்போது 84  பேர்களாக விரிந்துள்ளது.மேலே உள்ள போட்டோவில் தரையில் இருப்பவர்களில் இருவரும்,  
நாற்காலியில் இருப்பவர்கள் எட்டு பேர்களும், முதல் வரிசையில் நிற்பவர்களின் இரண்டு பேர்களும்,  மேல் வரிசையில் ஒருவரும் மொத்தம் 13 பேர்கள் இன்று இல்லை. அவர்கள் நம்மை தெய்வங்களாக நின்று வழி நடத்துகின்றார்கள்.

நானும் விடை பெறுவதற்குள் என் நன்றிக்கடன்களைத் திருப்ப 

வாய்ப்புகள் எதிர்நோக்கி காத்திருக்கின்றேன்,

இக்குடும்பத்தினர் எங்கிருந்தாலும் வாழ்வின் வளங்கள் 

நிறைவாகப் பெற்று நீடூழி வாழ்க !

வாழ்க வளமுடன் !