கருவிலே திரு ...

மாலா தன் அம்மாவுடன்

அத்தைக்கு ( மாலா அம்மா திருமதி ராஜம் அவர்களுக்கு ) மாலா மீது எப்போதும் ஒரு குறை - ரொம்ப சிம்பிளாக இருக்கிறாளே, நகைகளெல்லாம் போடுவதில்லை, பட்டு புடவை அணிவதில்லை, மேக்கப் கூட போடுவதில்லை என மாலா மீது ஒரு வருத்தம் அவர்களுக்கு உண்டு.

எங்களுடன் பலதடவை அத்தை ஆழியார் வந்திருக்கின்றார்கள். அங்கு அவர்கள் மாலாவிடம் " இங்கு எல்லோரும் எப்படி அழகாக ட்ரஸ் செய்து வந்திருக்கின்றார்கள். நீயோ ரொம்ப சாதாரணமாக இருக்கின்றாய். கழுத்துல ஒரு நல்ல நகையாவது போட்டு வந்திருக்கலாமே " என் குறை பட்டுக்கொண்டிருந்தார்கள்.

ஒரு தடவை ஆழியாரில் பேராசிரியை பிரமுக்குட்டி அம்மா ( தேசத்தியாகி செக்கிழுத்த செம்மல் வ.உ.சி. அவர்களின் பேத்தி - கூடுவாஞ்சேரியில் பெண்களுக்கென ஆன்மீக கல்வி நிலையம் நடத்தி ஆயிரக்கணக்கான பெண்களுக்கு தையல், கம்ப்யூட்டர் போன்ற பயிற்சிகளை தந்தவர் ) அத்தையிடம் வந்து மாலாவின் சேவைகளை பற்றி மிகவும் புகழ்ந்து பேசி " இப்படிப்பட்ட புண்ணியவதி இந்த மணி வயிற்றில் பிறக்க என்ன தவம் செய்தீர்களோ! " என்று சொல்லி அத்தையின் வயிற்றினைத் தொட்டு வணங்கினார்கள். அத்தை மிகவும் நெகிழ்ந்து போனார்கள்.

அன்றிலிருந்து அத்தைக்கு மாலா மீது மிகவும் அன்பு, கனிவு,பெருமை எல்லாம் அதிகமாயிற்று.

பிரமுக்குட்டி அம்மாவுடன் மாலா எடுத்துக்கொண்ட போட்டோக்கள் பல இருந்தாலும் இது கடைசி போட்டோ ....