கல்லணை

19-ம் நூற்றாண்டு... காவிரி டெல்டா பகுதிகளில் தண்ணீர் வறண்டு விவசாயம் பொய்த்துப் போக, ஆங்கிலேய அரசாங்கம் ஒரு பெரிய சிக்கலை சந்தித்தது. இந்த தண்ணீர் தட்டுப்பாட்டைத் தீர்க்க, கரிகால சோழன் கட்டிய பழைய 'கல்லணை' பயனற்றுப் போய்விட்டது என்று நினைத்து, அதை இடித்துவிட்டு அல்லது முற்றிலும் மாற்றி அமைக்க ஒரு பிரிட்டிஷ் அதிகாரி அனுப்பப்பட்டார்.

அவர் பெயர் சர் ஆர்தர் காட்டன். மிகச் சிறந்த நீர்ப்பாசன பொறியியலாளரான அவர், தனது குழுவோடு கல்லணையை ஆய்வு செய்யத் தொடங்கினார். ஆனால் ஆற்றில் இறங்கி அஸ்திவாரத்தை ஆராய்ந்தபோது அவர் கண்ட காட்சி, அவரது ஒட்டுமொத்த பொறியியல் அறிவையும் சுக்குநூறாக்கியது!

ஆர்தர் காட்டனுக்கு ஒரே குழப்பம்... "ஒரு நதியின் அடித்தளத்தில் பாறையே இல்லை, முழுவதும் தளர்வான மணல் மட்டுமே இருக்கிறது. வெறும் மணலின் மீது இவ்வளவு பிரம்மாண்டமான ஒரு அணை எப்படி 1800 ஆண்டுகளுக்கும் மேலாக காவிரியின் காட்டாற்று வெள்ளத்தை தாங்கி நிற்கிறது? சிமெண்ட் இல்லை, கான்கிரீட் இல்லை... இது எப்படி சாத்தியம்?" என அவர் வியந்து போனார்.

அப்போதுதான் சோழர்களின் அந்த உலகத்தரம் வாய்ந்த ரகசிய தொழில்நுட்பம் அவருக்குப் புரிந்தது! ஓடும் ஆற்று நீரில் பெரிய பாறைகளைக் கொண்டு வந்து போடுவார்கள். அந்தப் பாறைகள் நீரின் அழுத்தத்தால் மணலில் புதையும். அதன் மீது மீண்டும் பாறைகளை வைத்து, ஒரு விதமான ஒட்டும் களிமண்ணை (Interlocking system) பயன்படுத்தி எந்தவித நவீன இயந்திரமும் இல்லாமல் இந்த பிரம்மாண்ட அணையைக் கட்டியிருந்தனர்.

கல்லணையை இடிக்க அல்லது மாற்றியமைக்க வந்த ஆர்தர் காட்டன், அதைச் செய்வதற்குப் பதிலாக சோழர்களின் தொழில்நுட்பத்தின் காலில் விழுந்தார். அந்தத் தொழில்நுட்பத்தை அப்படியே காப்பியடித்து, அதே முறையில் கொள்ளிடத்தில் 'கீழணை' மற்றும் கோதாவரி ஆற்றின் குறுக்கே ஒரு பெரிய அணையையும் கட்டினார். மேலும், அந்தத் தமிழனின் சாதனைக்கு 'The Grand Anicut' (கல்லணை) என்று பெயர் சூட்டி உலகறியச் செய்தார்!

இன்று நம்மிடம் பல நவீன இயந்திரங்களும், பெரிய தொழில்நுட்பங்களும் இருக்கலாம். ஆனால் 2000 ஆண்டுகளுக்கு முன்பே, ஒரு தலைசிறந்த ஆங்கிலேயப் பொறியாளரையே தலைசுற்ற வைத்த நம் கரிகால சோழனின் கட்டமைப்பு, ஒட்டுமொத்த தமிழர்களுக்கான பெருமை அல்லவா?

பட்டினத்தார்

 

குற்றால குறவஞ்சி

 

கடையேழு வள்ளல்கள்

 கடையேழு வள்ளல்கள்  பெயர்கள் :

1. பேகன் – கடும் குளிரில் நடுங்கிய மயிலுக்கு “போர்வை” அளித்தார்.

2. பாரி – முல்லைக்கு தன்னுடைய முத்துக்களால் பதித்த “தேரை” அளித்தார்.

3. காரி – தன்னை தேடி வருபவர்களுக்கு “குதிரையை” கொடையாக அளித்தார்.

4. ஆய் – தன்னை நாடி வந்தவர்களுக்கு “ஊர்களை” கொடையாக அளித்து மகிழ்ந்தார்.

5. அதியமான் – தனக்கு கிடைத்த சாகா வரம் பெற்ற “நெல்லிக்கனியை” தமிழ் குடும்ப பெற்ற சங்க கால புலவரான ஔவைக்கு கொடுத்து மகிழ்ந்தார்.

6. நள்ளி – தன்னிடம் கொடை கேட்டு வந்தவர்களுக்கு பிறரிடம் மறுமுறை போய் எந்த ஒரு கொடையும் கேட்காத அளவிற்கு தன்னிடம் உள்ள பொருட்களை எல்லாம் கொடுத்தார்.

7. ஓரி – கூத்தாடும் கலைஞர்களுக்கு நாடு கொடுத்து மகிழ்ந்தார்.

யாதும் ஊரே... யாவரும் கேளிர்

 

கணியன் பூங்குன்றனார் எழுதிய 'யாதும் ஊரே யாவரும் கேளிர்’ என்ற பழமையான பாடல் இன்று உலகம் முழுவதும் பேசப்படுகிறது…*_

_*ஆனால் அந்தப் பாடலின் முதல் வரியை மட்டுமே பலர் அறிவார்கள்.*_
_*முழு பாடலும் வாழ்வின் முழுத் தத்துவத்தை விளக்குகிறது....*_

_"யாதும் ஊரே;_ _யாவரும் கேளிர்_
_தீதும் நன்றும்_ _பிறர்தர வாரா_
_நோதலும்_ _தணிதலும்_ _அவற்றோ ரன்ன_
_சாதலும் புதுவது_ _அன்றே;..._
_வாழ்தல் இனிது என மகிழ்ந்தன்றும் இலமே;*_
_முனிவின் இன்னாது_ _என்றலும் இலமே;_
_மின்னோரு_ _வானம் தண்துளி தலைஇ ஆனாது_
_கல்பொருது இரங்கும்வ_ _மல்லல் பேர்யாற்று_
_நீர்வழிப் படூஉம் புணைபோல் ஆருயிர்_
_முறைவழிப் படூஉம் என்பது திறவோர்காட்சியின் தெளிந்தனம்..._
_ஆதலின் மாட்சியின்_
_பெயோரை வியத்தலும்_ _இலமே;_
_சிறியோரை இகழ்தல் அதனினும் இலமே.”_

_*கணியன் பூங்குன்றனார்*_

_இதன் பொருள் …._
_*"யாதும் ஊரே யாவரும் கேளிர்...."*_
_எல்லா ஊரும் எனது ஊரே....எல்லா மக்களும் எனக்கு உறவினர்களே என்று எண்ணுக_

_*"தீதும் நன்றும் பிறர் தர வாரா...."*_
_உனக்கு வரும் தீமையானாலும் நன்மையானாலும், அது அடுத்தவரால் வருவதில்லை._
_அவற்றின் அடிப்படை காரணம் நீதான் என்பதை உணர்க .._

_*"நோதலும் தணிதலும் அவற்றோ ரன்ன...."*_
_மனக் கவலையும் ஆறுதலும்கூட மற்றவரால் கிடைப்பது இல்லை, மனம் பக்குவப்பட்டால், கவலைகள் உன்னை அண்டாது என்க .._

_*"சாதலும் புதுவது அன்றே.."*_
_*இறப்பு புதியதல்ல, அது இயற்கையானது எல்லோருக்கும் பொதுவானது....*_

_"வாழ்தல் இனிது என மகிழ்ந்தன்றும் இலமே_
_முனிவின் இன்னாது என்றலும் இலமே."_
_வாழ்க்கையில் ஏற்படும் இனிய நிகழ்வுகளைக் குறித்து_ _பெருமகிழ்ச்சி கொள்ளவும் வேண்டாம் .._
_அதுபோலவே,_ _துன்பம் வந்தால் வாழ்க்கையை வெறுக்கவும் வேண்டாம்._
_இன்பமும் துன்பமும் இணைந்தே வாழ்க்கை என்பதை உணர்க…_

_*"மின்னோரு வானம் தண்துளி தலைஇ ஆனாது கல்பொருது இரங்கும்வ மல்லல் பேர்யாற்று நீர்வழிப் படூஉம் புணைபோல் ஆருயிர் முறைவழிப் படூஉம் என்பது திறவோர் காட்சியின் தெளிந்தனம் ....."*_

_இந்த வானம் வெப்பமான மின்னலையும் தருகிறது குளிர்ந்த மழையையும் தருகிறது._
_கற்களைப் புறட்டிச் செல்லும் காட்டாற்று வெள்ளத்தில்,_ _முட்டிமோதிச் செல்லும் படகு போல,_ _துன்பங்களுக்கும் இன்பங்களுக்கும் ஊடே வாழ்க்கையும் போய்கொண்டே இருக்கும்._
_இதுவே இயல்பு என மனத்தெளிவு கொள்க...._

_*"ஆதலின் மாட்சியின் பெரியோரை வியத்தலும் இலமே;*_
_*சிறியோரை இகழ்தல் அதனினும் இலமே."*_
_*இந்த தெளிவு வரப் பெற்றால்,*_ _*உயர்ந்த நிலையில் உள்ளவர்களைப் பார்த்து வியந்து நிற்கவும்*_ _*வேண்டாம். சிறிய நிலையில் உள்ளவர்களைப் பார்த்து இகழ்வதும் வேண்டாம்.*_
_*அவரவர் வாழ்வில் அவரவர் பெரியவர் என்பது அடிப்படை ..*_

சும்மா..

 சும்மா ‌படிச்சி தான் பாருங்களேன்..

அடிக்கடி நாம் பாவிக்கும் வார்த்தை தான், இந்த #சும்மா.

அது சரி சும்மா என்றால் என்ன?

பேச்சு வழக்கு சொல்லாக இருந்தாலும், தமிழ் மொழியில் உள் வாங்கப் பட்டுள்ள ஒரு வார்த்தை இந்த சும்மா..

சும்மா என்கிற இந்த வார்த்தைக்கு மட்டும் தமிழில் 15அர்த்தங்கள் உண்டு என்றால் உங்களால் நம்ப முடிகிறதா?

வேறு மொழிகளில் இல்லாத சிறப்பினை நாம் அடிக்கடி கூறும் இந்த சும்மா எனும் வார்த்தை எடுத்துக் காட்டும்.

1 . கொஞ்சம் சும்மா இருடா?

( அமைதியாக/Quiet)

2. கொஞ்ச நேரம் சும்மா இருந்து விட்டுப் போகலாமே? (களைப்பாறிக் கொண்டு/Leisurely)

3. அவரைப் பற்றி சும்மா சொல்லக் கூடாது!

(அருமை/in fact)

4. இது என்ன சும்மா கிடைக்கும்னு

நினச்சியா?

(இலவசமாக/Free of cost)

5. சும்மா கதை அளக்காதே?

(பொய்/Lie)

6. சும்மா தான் இருக்கு. நீ வேண்டுமானால் எடுத்துக் கொள்.

(உபயோகமற்று/Without use)

7. "சும்மா "சும்மா" கிண்டல் பண்ணுறான்.

(அடிக்கடி/Very often).

8.இவன் இப்படித்தான்.. சும்மா ஏதாவது சொல்லிக்கிட்டு இருப்பான்.

(எப்போதும்/Always)

9.ஒன்றுமில்லை சும்மா சொல்கின்றேன்.

(தற்செயலாக/Just)

10.இந்தப் பெட்டியில் வேறெதுவும் இல்லை சும்மா தான் இருக்கிறது.

(காலி/Empty)

11.சொன்னதையே சும்மா சொல்லாதே.

(மறுபடியும்/Repeat)

12.ஒன்றுமில்லாமல் சும்மா போகக் கூடாது.

(வெறுங் கையோடு/Bare)

13. சும்மா தான் இருக்கின்றோம்.

(சோம்பேறித் தனமாக/ Lazily)

14.அவன் சும்மா ஏதாவது உளறுவான்.

(வெட்டியாக/idle)

15.எல்லாமே சும்மா தான் சொன்னேன்.

(விளையாட்டிற்கு/Just for fun)

நாம் அன்றாடம் சொல்லும் இந்த "சும்மா" என்கிற ஒரு சொல். நாம் பயன்படுத்தும் இடத்தின் படியும் தொடரும் சொற்களின் படியும் பதினைந்து விதமான அர்த்தங்களைக் கொடுக்கிறது.

உலகில் உள்ள மற்ற மொழி அனைத்தும் வாயினால் பேச, செவிக்குக் கருத்தை உணர்த்துகின்றவை. ஆனால் தமிழ் மொழி இதயத்தாலே பேசி இதயத்தால் உணர வைக்கும் மொழியாகும்

😏😏😏

பழமொழி நானூறு

 

திரிகடுகம்

 

தமிழ்மொழி

 

மொழிகளின் தாய்

 

அழிந்து வரும் தமிழ்மொழி

 

சாணக்கிய நீதி

 

நாலடியார்

 

திரிகடுகம்

 

இன்னா / இனியவை நாற்பது

 

இன்னா நாற்பது

 

இனியவை நாற்பது

 

இனியவை நாற்பது பாடல்

 

நாலடியார் பாடல்

 

நாலடியார் பாடல்