ஆசை....4

ஆசை சீரமைத்தல்

ஆசைகளை நிறைவேற்றிக் கொள்ள வேண்டுமானால், எம்மாதிரியான ஆசைகளை நிறைவேற்ற இயலும் என எண்ணிப் பார்த்து ஆசைகளை ஒழுங்குபடுத்திக் கொள்வதற்கான முறையான பயிற்சியே ஆசை சீரமைத்தல் என்பதாகும். 

- அருட்தந்தை வேதாத்திரி மகரிஷி 

 மகரிஷி அவர்கள் சொன்ன ஒரு நகைச்சுவை -

தியானம் கற்றுக்கொள்ள வந்த ஒருவர் மகரிஷியிடம் சொன்னாராம் - 

‘அய்யா, எனக்கு தியானம் கற்றுக் கொள்ளவும் ஆசையாயிருக்கிறது. அசைவ உணவை சாப்பிடுவதிலும் ஆசை இருக்கிறது. நான் என்ன செய்வது?’ 

அதற்கு மகரிஷி அவர்கள் இப்படி பதில் சொன்னாராம். ‘ஒன்றும் கவலைப் படவேண்டாம். இரண்டையுமே தொடர்ந்து செய்து வாருங்கள். உங்களுக்கு எதில் அதிக விருப்பம் ஏற்படுகிறதோ, மற்றது தானாகவே உங்களிடமிருந்து போய் விடும்’ என்றாராம்.

அதாவது தியானத்தில் விருப்பம் அதிகமானால் அசைவ உணவு சாப்பிடுவதில் ஆசை போய்விடும். அசைவ உணவு சாப்பிடுவதில் ஆசை அதிகமானால் தியானத்தில் விருப்பம் போய்விடும் என்று அர்த்தம்.