THE DEVIL RELEASES THE DONKEY IN US

 

SMALL STORY

 

NAKED TRUTH

 

SHIRT STORY

 

PENCIL & ERASER

 

THE ANJEL STORY

 

மூன்று கேள்விகள்

 

முன்னொரு காலத்தில் ஒரு அரசன் இருந்தான். அவனது மனதில் நீண்ட நாட்களாக மூன்று கேள்விகள் இருந்தன.

அந்த மூன்று கேள்விகளுக்கும் சரியான விடை தெரிந்துவிட்டால், தான் செய்யும் எந்தவொரு காரியத்திலும் தோல்வியே ஏற்படாது என்று அவன் நம்பினான். அந்த கேள்விகள்:

1. ஒரு செயலைத் தொடங்க மிகச் சரியான நேரம் எது?

2. மிக முக்கியமான மனிதர் யார்?

3. எல்லாவற்றிலும் மிக முக்கியமான செயல் எது?

நாட்டின் அறிஞர்கள் பலர் பலவிதமான விடைகளைக் கூறினர்.

ஒரு சாரார் கால அட்டவணை போடச் சொன்னார்கள், மற்றொரு சாரார் அமைச்சர்களின் ஆலோசனையே முக்கியம் என்றார்கள்.

ஆனால், எதிலும் திருப்தி அடையாத அரசன், காட்டில் வசிக்கும் ஒரு ஞானியைச் சந்தித்து விடை பெற முடிவு செய்தான்.

ஞானியின் சந்திப்பு

அரசன் ஞானியின் இருப்பிடத்தை அடைந்தபோது, அந்த முதிய ஞானி தன் குடிசைக்கு முன்னால் நிலத்தைத் தோண்டிக் கொண்டிருந்தார். களைப்பால் அவர் மூச்சிரைப்பதைக் கண்ட அரசன், அவரிடம் மண்வெட்டியை வாங்கித் தானே நிலத்தைத் தோண்டத் தொடங்கினான்.

நேரம் கடந்தது. அப்போது காட்டில் இருந்து வயிற்றைப் பிடித்துக் கொண்டு ஒரு மனிதன் ஓடிவந்து மயங்கி விழுந்தான். அவன் வயிற்றில் பெரிய காயம் ஏற்பட்டு ரத்தம் கொட்டியது. அரசன் உடனே அவனுக்கு முதலுதவி செய்து, தன் மேலாடையால் ரத்தத்தை நிறுத்தி, இரவு முழுவதும் அவனைக் கவனித்துக் கொண்டான்.

உண்மையும் மாற்றமும்

மறுநாள் காலையில் மயக்கம் தெளிந்த அந்த மனிதன், அரசனிடம் மன்னிப்புக் கேட்டான்.

அவன் உண்மையில் அரசனைக் கொல்ல வந்த எதிரி. அரசன் தனியாகக் காட்டுக்கு வருவதை அறிந்து வழியில் காத்திருந்தான்.

ஆனால், அரசனின் பாதுகாவலர்கள் அவனைக் காயப்படுத்தியதால் தப்பி ஓடி வந்தான்.

தன்னை சாகவிடாமல் காப்பாற்றிய அரசனுக்கு இனி வாழ்நாள் முழுவதும் அடிமையாக இருப்பதாக உறுதி அளித்தான்.

விடைகள்

கிளம்பும் முன் அரசன் மீண்டும் தன் கேள்விகளை ஞானியிடம் கேட்டான்.

ஞானி புன்னகைத்து, "உனக்கான விடைகள் ஏற்கெனவே கிடைத்துவிட்டன" என்றார்.

சரியான நேரம்:"இப்போது" என்பது தான் மிக முக்கியமான நேரம். ஏனென்றால், அந்த நேரத்தில் மட்டுமே நம்மால் எதையும் செய்ய முடியும்.

முக்கியமான மனிதர்: அந்தத் தருணத்தில் நீங்கள் யாருடன் இருக்கிறீர்களோ, அவரே முக்கியமான மனிதர்.

முக்கியமான செயல்: உங்களோடு இருப்பவருக்கு அந்த நேரத்தில் தேவையான நன்மையைச் செய்வதுதான் மிக முக்கியமான செயல்.

இந்த உலகம் ஒரு மாபெரும் 'சிசிபஸ் கூடம்'.

 The world is one giant 'Hall of Sisyphus.'

ஆல்பர் காம்யுவின் சிசிபஸ் ஒரு கிரேக்கப் புராணக் கதாபாத்திரம்.

ஒரு மலை உச்சிவரை பாறையை உருட்டிச் செல்ல வேண்டும்.

உச்சியை அடைந்தவுடன் அந்தப் பாறை மீண்டும் கீழே உருண்டு விழும்.

மீண்டும் தள்ள வேண்டும். மீண்டும் விழும்.

இப்படியே முடிவில்லாத சுழற்சி.

இது ஒரு தண்டனைக் கதை மட்டுமல்ல. மனித வாழ்வின் உருவகம்.

காம்யு ஒரு வித்தியாசமான கேள்வியைக் கேட்டார்.

"பாறை மீண்டும் விழும் என்று சிசிபஸ்ஸுக்கே தெரியும். இருந்தும் ஏன் அவன் மீண்டும் தள்ளுகிறான்?"

அவரது பதில்:

வாழ்க்கையின் அர்த்தம், பாறை உச்சியை அடைவதில் இல்லை.அதை மீண்டும் மீண்டும் தள்ளத் தேர்ந்தெடுக்கும் மனிதனின் மனநிலையில்தான் இருக்கிறது.

ஒரு ரயில் நிலையத்தில் மூவர் சந்திக்கிறார்கள்.

ஒருவர் அலுவலகம் செல்லும் குடும்பஸ்தன்.

ஒருவர் நாடெங்கும் அலைந்து திரியும் துறவி.

மற்றொருவர் வாழ்க்கையைப் புரிந்துகொள்ள முயலும் இளைஞன்.

இளைஞன் கேட்டான்:

"ஒருவருக்கு குடும்பச் சுமை.

ஒருவருக்கு மோட்சத் தேடல்.

இருவருமே தினமும் ஒரே போராட்டம்.

இதிலிருந்து தப்பிக்க முடியாதா?"

துறவி புன்னகைத்தார்.

"நீ இரண்டு மனிதர்களைப் பார்க்கிறாய்.

நான் இரண்டு சிசிபஸ்களைப் பார்க்கிறேன்."

குடும்பஸ்தன் தன் பையை இறுக்கப் பிடித்தபடி சொன்னான்:

"என் வேலை நாளை மீண்டும் தொடங்கும் என்று எனக்குத் தெரியும்.

கடன் முடிந்தாலும் புதிய செலவு வரும்.

பிரச்சினை முடிந்தாலும் வேறு பிரச்சினை வரும்.

இருந்தும் நான் மீண்டும் கிளம்புகிறேன்."

துறவி சிரித்தார்.

"என் மனமும் அப்படித்தான்.

அமைதியைத் தேடுகிறேன்.

அடுத்த நாளே அது மீண்டும் அலைபாய்கிறது.

என் பாறையும் தினமும் மீண்டும் மலையடிவாரத்திற்கே வருகிறது."

இளைஞன் அமைதியாக இருந்தான்.

துறவி கடைசியாகச் சொன்னார்:

"குடும்பஸ்தனின் பாறை; குடும்பம்.

துறவியின் பாறை; மோட்சம்.

மாணவனின் பாறை; எதிர்காலம்.

வணிகரின் பாறை; சந்தை.

கலைஞனின் பாறை; படைப்பு.

பாறை மட்டும் மாறுகிறது.

சிசிபஸ் மட்டும் மாறுவதில்லை.

அதனால்தான்...

இந்த உலகம் ஒரு மாபெரும் 'சிசிபஸ் கூடம்'.

இங்கே யாராலும் பாறையைத் தள்ளாமல் வாழ முடியாது.

ஞானம் என்பது பாறை இல்லாத வாழ்க்கையைத் தேடுவது அல்ல.

தனக்கான பாறையை அர்த்தமுள்ளதாக்கி உருட்டுவதுதான்.

மனைவி சொல்லே மந்திரம்

 மனைவி சொல்லே மந்திரம் - ஊக்கமது! கைவிடேல்!

ஒரு கிராமத்தில் கொல்லன் ஒருவன் வாழ்ந்து வந்தான்,

இரும்பு சாமான்கள் செய்து விற்று பிழைப்பு நடத்தி வந்தான்,

அவனுக்கு அன்பும் அழகும் நிறைந்த மனைவி இருந்தாள்,

அவன் வாழ்க்கை உழைப்பும், காதலும், ஊடலுமாக மகிழ்ச்சி வெள்ளமாய் ஒடிக் கொண்டிருந்தது.

எல்லாக் கதைகளிலும் வழக்கமாக வருவது போல் நம்ம கொல்லன் வாழ்க்கையிலும் சோதனை காலம் வந்தது,,,

நவநாகரீக காலத்தின் துவக்கமாய் இருந்த நேரம் அது,

கொல்லப் பட்டறை தொழில் நலிவுற்றது,

வருமானம் நாளுக்குநாள் குறைந்து கொண்டே வந்து அன்றாட உணவுக்கே வறுமை என்ற நிலை வந்துவிட்டது,,,

கொல்லனுக்கோ ஊடலிலும், காதலிலுங்கூட நாட்டம் இல்லாமல் விரக்தி மனதில் குடிகொண்டது,,,

சோகமே உருவாகி விட்டான்,,,

ஒருநாள் மாலை வேளையில் மனைவியின் மடியில் தலைசாய்த்து வானத்து நட்சத்திரங்களை பார்த்துக் கொண்டிருந் தான்,

மனதில் எதிர்காலம் குறித்த கவலைகள் எழுந்து கண்ணீர் துளிகளாய் கரைந்தோடியது,

அதைக் கண்ட மனைவி தழுதழுத்து ஆறுதலாய் பேசினாள்,

"ஐயா எஞ்சாமி எதுக்கு கலங்குதீக,

இந்த தொழில் இல்லைன்னா என்ன, பக்கத்து காட்டுல போய் விறகு வெட்டி அதை அக்கம் பக்கத்து கிராமத்துல வித்தா நாலு காசு கிடைக்குமே,

அதை வெச்சு ராசாவாட்டம் வாழலாமே" என்றாள்,,,

புது நம்பிக்கை புது உற்சாகம் உள்ளத்தில், கொல்லன் விறகுவெட்டி ஆனான்,

அந்தத் தொழிலில் ஓரளவு வருமானம் கிடைத்தது.

வீட்டில் தினமும் சோளக்கஞ்சி, கொள்ளுத் துவையல் கூடவே மனைவியின் சிரித்த முகமும் கனிவான கொஞ்சலும் அவனுக்கு ஒரளவு மகிழ்ச்சியை தந்தாலும், சற்றே சோகமும் இழையோடி இருந்தது,

ஒருநாள் ஊடலும் சரசமுமாய் இருந்த வேளையில் மனைவி கேட்டாள்,

"மாமோய்,,, இன்னும் ஒங்க மனசுல ஏதோ சோகமிருக்காப்ல தெரியுதே,

என்ன அது?"

விறகு வெட்டியான நம்ம கொல்லன் சொன்னான்

"பட்டறைத் தொழில் நல்லாயிருந்த காலத்தில் நம்ம வீட்டில் தெனந்தெனம் நெல்லுச்சோறும் கறிக் கொழம்புமாய் இருக்கும்,

இப்போ இப்படி வயித்தக்கட்டி வாழுறோமே, அதுதான்டி குட்டிம்மா மனசுக்கு என்னவோ போல இருக்கு,

இப்படி விறகு சுமந்துகிட்டு ஊர் ஊரா சுத்தினால் கிடைக்கிற வருமானம் நமக்கு நல்லபடியா வாழ பத்தலையே"

என்றவனுக்கு கண்கலங்கவும் தவித்துப் போனாள் அவள்,

"வேணாஞ்சாமி வேணாம், நீங்க ஏங் குலசாமி, கண்ணு கலங்காதீக,

என்னோட நகை நட்ட வித்தா கொஞ்சம் காசு கிடைக்குமே,,,

அதை மூலதனமா போட்டு நாம ஒரு விறகு கடை வச்சிரலாம்,

காட்டுல விறகு வெட்டுற ஜனங்களுக்கு கூலி கொடுத்து விறகு வாங்கிப் போடுவோம்,

கடைன்னு ஆயிட்டா எந்த நேரமும் ஜனங்க விறகு வாங்க வருவாக, நமக்கு நல்லபடியா வருமானம் கிடைக்கும் என்றாள்.

மீண்டும் புத்துணர்ச்சி நமது கொல்லனின் உள்ளத்தில், விறகு வெட்டியானவன் விறகுக்கடை முதலாளியா னான்,

வருமானம் பெருகியது, அப்புறமென்ன வீட்டில் கறிசோறுதான்,,,

ஆனால் வாழ்க்கை அடுத்தடுத்த சோதனைகளை ஏற்படுத்தாமல் விட்டுவிடுமா என்ன,

வந்தது கெட்ட நேரம், விறகு கடையில் தீ விபத்து!...

அத்தனை முலதனமும் கரிக்கட்டையாகி விட்டது,,,

தலையில் அடித்துக் கொண்டு அழுதான் விறகு கடை முதலாளி,,,

நண்பர்கள் பலரும் வந்து ஆறுதல் சொன்னார்கள், கலங்காதே நண்பா மறுபடியும் விறகுவெட்டி வாழ்க்கை நடத்து,

எதிர்காலத்தில் எதாவது நல்லது நடக்கும் என்றார்கள்.

மனைவி வந்தாள்,,,

கண்ணீரை துடைத்தாள்,,,

அவன் தலைசேர்த்து நெஞ்சோடு கட்டியனைத்தாள்,

கண்ணீர் மல்க சொன்னாள்;

"இப்போ என்ன ஆயிடுச்சுனு எஞ்சாமி அழுதீக,

விறகு எரிஞ்சு வீணாவா போய்ட்டு,

கரியாத்தானே ஆகியிருக்கு,

நாளைலயிருந்து கரி யாவாரம் பண்ணுவோம்"

தன் தலை நிமிர்த்தி அவளின் முகம் பார்த்தவனுக்கு மீண்டும் வாழ்வில் ஒளி தெரிந்தது.

ஊக்குவிக்கவும் உற்சாகப் படுத்தவும் ஆட்களிருந்தால் கோமா ஸ்டேஜ்ல இருக்கவன் கூட ஒலிம்பிக் ஓட்டபந்தயத்தில் ஜெயிப்பான்.

ஊக்குவிக்கற வனை ஊக்குவிக்க ஆளிருந்தால் தேக்கு விப்பான். - கவிஞர் வாலி

சதா உதாசினப்படுத்திகொண்டிருந்தால்

ஆரோக்கியமா இருக்கறவனுக்கு குளுகோஸ் தான் போடனும்.

ஆற்றில் வெள்ளம் வந்து தண்ணீர் வேகமாக ஓடிக்கொண்டிருக்கும் போது கரையை கடக்க எதிர் நீச்சல் அடிக்க கூடாது.

ஆற்றோட வேகத்துக்கு தகுந்த மாதிரி கரையை அதோட போக்குல போய் கடந்து தான் கரையேறனும்.

AN UPMA STORY

 

தாத்தாவும் பேரனும்

 தாத்தாவும் பேரனும் மாலை வாக்கிங் போய்ட்டு இருந்தாங்க!

பேரன் திடீர் என்று சும்மா இருமினான்! தாத்தா பேரனை பார்த்து டேய் உனக்கு ஜலதோசம் எல்லாம் ஒன்னும் இல்லை சும்மா நடிக்காத! என்றார்.

கொஞ்சம் நேரம் கழிந்து பேரன் தாத்தாவை பார்த்து தாத்தா எனக்கு காய்ச்சல் வர மாதிரி இருக்கு, உடம்பு எப்படி சூடா இருக்கு பாருங்க!

உடனே தாத்தா பேரனை தொட்டு பார்த்து விட்டு டேய் உடம்பு ஜில்லுன்னு இருக்கு, யு ஆர் வெரி ஹெல்தி என்று சொல்ல!

பேரன் உடனே அங்கிருந்த ஐஸ் கிரீம் கடயை பார்த்து கையை காட்டி அப்ப எனக்கு ஐஸ் கிரீம் வாங்கி கொடுங்க என்று சொன்னான்!

அப்பொழுது தான் தாத்தா யோசித்தார்!

போன வாரம் வாக்கிங் வரும்போது பேரன் இதே மாதிரி ஐஸ் கிரீம் கேட்க தாத்தா உனக்கு ஜலதோசம் பிடிச்சி இருக்கு, இருமி கொண்டு இருக்க, உடம்பு வேற சூடா இருக்கு, ஜுரம் இருக்கும் போல என்று பேரனிடம் சொல்லியது நினைவுக்கு வந்தது!

கடுமையான வெய்யில் - கதை

 

சிலந்தி வலை

 சிலந்தி வலை

(சீரியசான கதை ஜோக் இல்லை)

ஒரு சிலந்தி வலையில் ஒரு கொசு சிக்கிக்கொண்டது.

கொசுவுக்குத் தெரிந்துவிட்டது தன்னுயிர் போக போகிறது என்று.

எதற்கும் கேட்டுப் பார்க்கலாம் என்று பேச ஆரம்பித்தது.

கொசு: ஓ சிலந்தியே, நீ என்ன வலை விரித்து உட்கார்ந்து இருக்கிறாய் என்னைப் போன்ற அப்பாவிகளை சிறை பிடிக்கிறாய்.

சிலந்தி (சிரிப்பு)

கொசு: பொதுவாக வலைவிரித்து ஆண் பெண்ணையும் பெண் ஆணையும் தானே தேட வேண்டும்? தேடிப்பிடிக்க வேண்டும்?

அப்படிப் பார்த்தால் நீ இன்னொரு பெண் சிலந்தியைத் தானே பிடித்திருக்க வேண்டும் என்னை ஏன் பிடித்தாய், நான் ஒரு கொசு. நீயோ சிலந்தி.

சிலந்தி: (கோபத்துடன்) நீ என்ன மனிதனைப்போல பேசுகிறாய் ? நான் என்ன மனிதனா, வலைவிரித்து, துணை தேடிப் பிடிக்க?

கொசு : ஆஹா ன்…, .இவன் எதுக்கு எல்லாம் சரிப்பட்டு வர மாட்டான் போல இருக்கே? (மனசுக்குள்)

அப்படி என்றால் இரை தேடுவதற்காக வலை விரித்து இருக்கிறாயா?

நான் எல்லாம் பறந்து திரிந்து அலைந்து தான் இரை தேடுகிறேன், இப்படி உன்னைப்போல் வீட்டில் இருந்துகொண்டே இரை தேடுவதில்லை.

அதோ கீழே உட்கார்ந்து இருக்கிறானே அவனைப் போல நீ ஒர்க் ஃப்ரம் ஹோம் (WFH)செய்கிறாயா?

சிலந்தி :அவன் ஒண்ணும் வொர்க் ஃப்ரம் ஹோம் செய்யவில்லை. காலையிலிருந்து பார்த்துக்கொண்டுதான் இருக்கிறேன்.

அவன்தான் நீ சொன்ன மாதிரி வலைவிரித்து வலைத்தளத்தில் துணை தேடிக் கொண்டிருக்கிறான்.

கொசு; நானும் இப்போதுதான் அவனைக் கடித்து விட்டு வந்தேன். வெட்டிப்பயல். சரி என்னை நீ தின்னப் போகிறாயா? என்னை விட்டு விடேன்…

சிலந்தி : முடியாது முடியாது.

கொசு : நீ தனியாக தானே இருக்கிறாய் ஒரு துணை தேடிக் கொள்ளேன். ஒரு பெண் சிலந்தி வந்து மாட்டும் வரை காத்திரு. என்னை விட்டுவிடு. நான் உனக்கு நல்ல வார்த்தை சொல்லி இருக்கிறேனே

சிலந்தி;நீ மனிதர்களைக் கடித்ததால் உனக்கும் அவர்கள் இரத்தம் ஏறி அவர்கள் புத்தி வந்து விட்டது. இப்படி எல்லாம் சிந்திக்கிறாய். நானே ஒரு பெண் சிலந்தியிடம் இருந்து தப்பித்து வந்து இங்கே தனியாக வலை விரித்து உட்கார்ந்து இருக்கிறேன்.

கொசு: நல்லதுக்கே காலம் இல்லை. அதற்கு அந்த மனிதன் கையாலேயே செத்திருக்கலாம். எனக்கு நேரமே சரியில்லை அந்த ஜோதிடரை போய் கடித்து வைக்க வேண்டும். இப்போ என்னை விட்டுவிடு. நாம்தான் நண்பர்கள் ஆகி விட்டோமே?

இந்த உரையாடலைக் கேட்டுக் கொண்டே கீழே லேப்டாப் பார்த்துக் கொண்டிருந்தவன் மனம் மாறியது. சிலந்தியின் பேச்சு சிந்தனையைத் தூண்டியது.

உடனே மேட்ரிமோனி ஐடி ஓபன் செய்து, தப்புத்தப்பாக தன்னைப் பற்றிய ஆஹா ஓஹோவென்று தகவல் கொடுத்து வைத்திருந்ததை எல்லாம் மாற்றி உண்மைகளாக எழுதி வைத்தான்.

அப்புறம் என்ன?

அடுத்த நாளே நல்ல பெண் கிடைத்து விட்டது.

சுபம்.

இதுபோன்ற நீதிக்கதைகளை எழுதினால் மனிதன் திருந்த வாய்ப்பு உள்ளது..

ஏதோ தெரியாம எழுதி…சரி சரி ..உணர்ச்சிவசப்படாதீர்கள்.

எல்லாம் வலைத்தளம் படுத்தும் பாடு. சிலந்தி வலை)

நீதி: வலை வீசி இரை பிடிக்கலாம். வாழ்க்கைத்துணை பிடிக்க முடியாது

ஒரே வரம்

 

DAY 1 CHANGE YOUR STORY

 

6 BRIEF STORIES

 

தளபதி

ஒரு நாட்டின் தளபதி இறந்து போனார்.

அவரது இடத்தை நிரப்புவதற்காக ராஜா பல இளைஞர்களை வரவழைத்துத் தேர்வு நடத்தினார்.

பல கட்டங்களாக நடந்த தேர்வில் இறுதியாக இரண்டு இளைஞர்கள் தேர்ந்தெடுக்கப் பட்டார்கள்.

இதில் ஜெயிப்பவன் தளபதியாவான். அது மட்டுமின்றி ஒரு மூட்டை பொற்காசும் அவனுக்குப் பரிசுப் பொருளாக வழங்கப்படும்.

இறுதிப் போட்டிக்கு ஒரு நாள் முன்பாகவே இருவரும் வரவழைக்கப்பட்டு சகல வசதிகளுடன் தனித் தனியாகத் தங்க வைக்கப் பட்டிருந்தார்கள்.

அதிகாலையிலேயே போட்டி ஆரம்பிக்கப்படும் என்பதால் நேரத்துடனேயே உணவருந்த ஆயத்தமாகிக் கொண்டிருந்தனர்.

அப்போது அவர்களில் ஒருவனின் அறைக்குள் தலைமை சமையல்காரன் திடீரென்று நுழைந்தான். அவனிடம் ரகசியமான குரலில் , "தம்பி. நாளை நடக்கும் போட்டியில் நீ மட்டுமே கலந்து கொள்ளப் போகிறாய் .

எனவே போட்டியே இல்லாமல் நீதான் ஜெயிப்பாய்" என்றான். அவனுக்கோ ஒன்றுமே புரியவில்லை.

சமையல்காரன் மீண்டும் சொன்னான். "இதோ பார். நான் பக்கத்து அறையிலுள்ள உன் போட்டியாளனுடைய உணவில் தூக்கத்திற்கான மருந்தைக் கலந்து விடுவேன்.

அவனால் காலையில் எழுந்திருக்கவே முடியாது. ராஜா சோம்பேறியை ஏற்றுக் கொள்ளவே மாட்டார்.

அப்புறம் நீதான் தளபதி. இதற்குப் பிரதிபலனாக , நீ பரிசாகப் பெறும் தங்கத்தை எனக்குத் தந்துவிட வேண்டும். சம்மதமா ?" என்றான்.

சமையல்காரன் சொல்லி முடித்தவுடனேயே அவன் அவசரமாய்ச் சொன்னான் , " ஐயா. இது நாட்டின் பாதுகாப்பு தொடர்புடைய பதவி .

தகுதியுள்ளவன் வென்றால் மட்டுமே நாட்டுக்குப் பாதுகாப்பு. எனவே எனக்குத் தகுதி இருந்தால் நான் வெற்றி பெறுவேன்.

தயவு செய்து குறுக்கு வழி வேண்டாம். அதே நேரத்தில் என் போட்டியாளனிடம் பேரம் பேசி என் உணவில் மருந்தைக் கலந்து விடமாட்டேன் என்று சத்தியம் செய்யுங்கள்" என்றான்.

சமையல்காரன் புன்னகைத்தபடி , " கடவுள் உன்னைக் காப்பாற்றட்டும். நீ புத்திசாலி. சத்தியமாக நான் உனக்கு நல்ல உணவை மட்டுமே பரிமாறுவேன்" என்று சொல்லிவிட்டு நகர்ந்தான்.

இவர்கள் பேசிக் கொண்டிருக்கும் அதே நேரத்தில் சமையல்காரனின் உதவியாளன் , மற்றுமுள்ள போட்டியாளனிடம் அதே பேரத்தைத் தொடங்கியிருந்தான்.

ஆனால் அங்கே நடந்ததோ வேறொன்று. அவன் பேரத்திற்கு ஒப்புக் கொண்டான்.

போட்டியில் கிடைக்கும் தங்கப் பரிசு மட்டுமன்றி இன்னும் கொஞ்சம் தங்கமும் சேர்த்துக் கொடுப்பதாக வாக்களித்தான். உதவி சமையல் காரனும் ,

" காரியத்தை சிறப்பாக முடிப்பேன்.

நீங்கள் தான் இந்நாட்டின் தளபதி " என்றான்.

இரவு உணவு முடிந்து இருவரும் உறங்கினார்கள்.

பேரத்துக்கு ஒப்புக் கொள்ளாத வீரன் அதிகாலையில் எழுந்து போட்டிக்குக் கிளம்பினான். அங்கே போய்ப் பார்த்தால், அவனோடு போட்டியிட யாருமே வந்திருக்கவில்லை.

மன்னர் திடீரென அந்த இடத்தில் பிரவேசித்து ,

" புதிய தளபதியாருக்கு வாழ்த்துகள் என்று சொல்லித் தன்னுடைய வீர வாளைப் பரிசளித்தார் .

அவனுக்கோ ஒரே ஆச்சரியம். போட்டியாளன் இல்லாமல் தேர்வான அதிர்ச்சி. மன்னரை நேருக்கு நேராய்ப் பார்த்துவிட்ட மகிழ்ச்சி.

தன்னையறியாமல் கண்களில் நீர் கசிந்தது.

மன்னர் அவனை அணைத்துக் கொண்டார்.

"மகனே! நடப்பதெல்லாம் கனவு போலத் தோன்றுகிறதா ? உங்களுக்கான இறுதிப் போட்டி நேற்றிரவே முடிந்து விட்டது.

காசைக் கொடுத்துப் பதவியை வாங்குபவர்கள், அந்தப் பதவியைக் கொண்டு மேலும் சம்பாதிக்கத்தான் முயல்வார்கள்.

தேசத்தின் பாதுகாப்பு சம்மந்தப்பட்ட இது போன்ற பதவிகளில் அவனைப் போன்ற புல்லுருவிகள் இருந்தால் நாட்டையே கூட விற்றுவிடுவார்கள்.

எனவே அவன் அதிகாலையிலேயே விரட்டப்பட்டான்.

அந்தச் சூழலிலும் உண்மையாய் நடந்து கொண்ட நீ தேர்ந்தெடுக்கப்பட்டாய்" என்றார்.

இது அரசியல் பதிவு அல்ல. நீதிக்கதை மட்டுமே.