இதற்கு முதலில் ஆகமம் என்றால் என்ன? அதன் கோட்பாடு என்ன? என்பதை சைவ ஆகமத்தின் அடிப்படையில் புரிந்துகொள்வோம்.
ஆகமம் என்றால் என்ன?
ஆகமம் என்பது ஒரு குறிப்பிட்ட கடவுளை வழிபடுவதற்கான பூஜை முறைகள் ஆகும். அது இறைவன், ஆன்மா, உலகம், பந்தம், விடுதலை, யோகம், வழிபாடு, கோயில் அமைப்பு, மூர்த்தி அமைத்தல், தீட்சை, மந்திரம், சடங்கு ஆகியவற்றை ஒருங்கிணைத்ததாகும்.
“ஆகமம்” என்ற சொல் பொதுவாக “வந்து சேர்ந்தது / பரம்பரையாக வந்த போதனை” என்ற பொருளில் விளக்கப்படுகிறது. சைவ ஆகம மரபில், ஆகமங்கள் சிவனைப் பரம்பொருளாகக் கொண்டு, சிவனை அறிந்து அடைவதற்கான முழுமையான வழிமுறையை வழங்குகின்றன.
ஆகமத்தில் கோயில் என்பது வெறும் கடவுள் சிலை வைக்கப்படும் கட்டிடம் அல்ல.
- கோயில் எந்த இடத்தில் அமைய வேண்டும்?
- கருவறை எவ்வாறு இருக்க வேண்டும்?
- மூர்த்தியின் அளவு என்ன?
- எந்த திசையில் எந்த தெய்வம்?
- மூர்த்திக்கு எவ்வாறு உயிர்ப்பித்தல்/பிரதிஷ்டை?
- எந்த மந்திரம்?
- எந்த காலத்தில் எந்த பூஜை?
- திருவிழா எவ்வாறு?
- தீபாராதனை எவ்வாறு?
என்பவை வரை ஆகமம் விரிவாகக் கூறுகிறது.
ஆகமம் என்பது கோயில் பூஜை மட்டும் அல்ல. அது ஆகமத்தின் ஒரு பகுதி மட்டுமே. சைவ ஆகமத்தின் உள்ளடக்கம் நான்கு பெரிய பகுதிகளாகப் பிரிக்கப்படுகிறது. இந்த நான்கு பகுதிகளும் ஆகமத்தின் முழுமையான ஆன்மிகப் பாதையை அமைக்கின்றன.
சரியை → கிரியை → யோகம் → ஞானம். அதாவது சேவை → வழிபாடு → உள்ளுணர்வு/யோக சாதனை → இறைஞானம்.
சைவசித்தாந்த ஆகமத்தின் படி
“சிவன் இருக்கிறார். உயிர் இருக்கிறது. உயிர் சிவனை அடைய முடியாமல் பந்தத்தில் உள்ளது. அந்தப் பந்தம் நீங்கும்போது சிவஞானம் ஏற்படுகிறது.”
என்று கூறலாம்.
ஆகமங்களின் படி இறைவனை வணங்குவதற்கு ஏகப்பட்ட சட்டதிட்டங்கள் கடைபிடிக்கப் படுகின்றது. கோவிலுக்குள் எப்படி இறைவனை வணங்கவேண்டும், தீபாரதனை எப்படி செய்யவேண்டும், அபிஷேகங்கள் எப்படி செய்ய வேண்டும் என ஒவ்வொரு செயலுக்கும் வழிமுறை, கட்டுப்பாடுகள் உள்ளன.
ஆனால், இங்கேதான் சித்தர்கள் ஆகம விதிகளைச் சாடுகிறார்கள்?” அவர்களின் பார்வையில், கொள்கையில் வெளிப்புற கிரியையில் மட்டும் நின்றுவிடாமல் அகத்திற்குச் சென்று உயிரை அறியவேண்டும் என்பதே மிக அவசியமானதும் முக்கியமானதுமாகும். உயிரை அறியாமல் வெளிவழிபாடு மட்டுமே உயிரை இந்த மாயையில் இருந்து விடுவிக்காது என்பதால் சித்தர்கள் ஆகமத்தை எதிர்கின்றார்கள்.
No comments:
Post a Comment