சுஜாதா பதில்கள்

 கேள்வி: ஊழல்பெருச்சாளிகள் எங்கிருந்து வருகிறார்கள்?

பதில்: பெரும்பாலும் அரசியல் சாக்கடையிலிருந்துதான்.

கேள்வி: ஆலய உண்டியலில் பணம் போடுவது,
ஏழையொருவனுககு அறம் செய்வது. –
நற்பயன் தரக் கூடியது…?

பதில்: ‘நடமாடும் கோயில் நம்பர்க்கொன்று ஈந்தால்
அது படமாடும் கோயில் பரமற்கு போய்ச் சேரும்
என்கிறார் திருமூலர். ஏழை சப்-போஸ்ட் ஆபீஸ்,
கடவுள் ஹெட் போஸ்ட் ஆபீஸ். ஏழைக்குக் கொடுத்தால்
கடவுளுக்குப் போகும்.

கேள்வி: தினமும் பூண்டு சாப்பிட்டால் இதய நோய் வராதாமே?

பதில்: தொடர்ந்து அதன் நாற்றத்தைச் சகித்துக்
கொள்வதில் உறுதிபூண்டு செயல்பட்டுப் பாருங்கள்.

கேள்வி: அன்னை ஓர் ஆலயம் என்று கூறுவது ஏன்..?
பதில்: ‘கர்ப்ப’க்கிரகம் அங்கிருப்பதால்…