என்னங்க...?
ம்ம்....!
அப்ப நீங்க எங்கூட ஷாப்பிங் வரமாட்டீங்க...!?
மாட்டேன்...!
ஏன்...
நீ வாங்கித்தர்ற அந்த ஒத்த கரும்பு ஜூசுக்காக உன்கூட லோ லோன்னு சுத்த முடியாது...
அவ்ளோ தான...?
ஆமா...!
அப்ப சரி வீட்ட பத்திரமா பாத்துக்குங்க நான் மட்டும் போய்ட்டு வர்றேன்...
வீடெல்லாம் பத்திரமாத்தான் இருக்கும்... நீ பத்திரமா போய்ட்டு வா...
சரி... மதிய சாப்பாட்டுக்கு குக்கர்ல ஒரு டம்ளர் ரைஸ் மூனு டம்ளர் தண்ணி ஊத்தி மூனு விசில்ல எறக்கி வச்சிடுங்க...
தெரியும்...
அப்புறம் ஊத்திக்க ஃபிரிஜ்ல நேத்து வச்ச சாம்பார் ரெண்டு நாளைக்கு முன்ன வச்ச காரக் குழம்பு இருக்கு எது வேணுமோ அத எடுத்து சூடு பண்ணி ஊத்திக்குங்க...
அதெல்லாம் நான் பாத்துக்கிறேன்...
அப்புறம் கிச்சன்ல முந்திரி திராட்சை டப்பாவ தேடாதீங்க... நேத்தே எடுத்து ஒளிச்சி வச்சிட்டேன்...
கிராதகி...?
என்ன வாய் ஏதோ முனு முனுக்குது...
ஒன்னுமில்ல...
அப்புறம் கிச்சன்ல இருக்கிற நெய்ய சின்னப் புள்ள மாதிரி எடுத்து திங்காதீங்க... ஏற்கனவே தொப்பை அன்லிமிட்டா பெருத்துகிட்டே போகுது...
ஏன் அதையும் ஒளிச்சி வைக்க வேண்டியது தானே...
வைக்கலாம் தான்... ரொம்பவும் இன்சல்ட் பண்ண வேணாம்னு தான்...!
தெரியுதுல்ல கெளம்பு...
இருங்க... சாப்ட்டு சும்மா ஒக்காரமா அழுக்கு துணிகள வாஷ் போட்டு ஓடி முடிச்சவுடனே எடுத்து காய வச்சிடுங்க
சரி...
வாஷ்க்கு... ஒரு மூடி லிக்குட் ஊத்துனா போதும்....
சரி...
கம்போர்ட் ரெண்டாவது வாஷ் முடிஞ்சவுடனே ஊத்துங்க...
சரி...
தூங்கிடாதீங்க...
சர்ரீரீஈஈ...
மதியம் சாப்ட வுடனே சாப்ட்ட பிளேட் பாத்திரம் கிண்ணம் எல்லாத்தையும் வெளக்கி நீட்டா தொடச்சி வச்சிடுங்க...
உஸ்ஸ்... சரிம்மா...
அப்புறம் அக்கம் பக்கத்து பொண்ணுங்கள்ட்ட வழியாதீங்க
போதும்மா கெளம்பு...
அப்புறம் சும்மா ஒக்காராம தையல் மெஷின தொடச்சி வைங்க... முடிஞ்சா ஆயில் போட்டு வைங்க...
காவேரி...
என்ன...?
ஒன்னு சொல்லவா....!?
சொல்லுங்க...!?
நானும் உன் கூட ஷாப்பிங் வர்றேன்...
No comments:
Post a Comment