எப்படி எல்லாம் சாப்பிடக்கூடாது

ஆசாரக் கோவை எனும் நூல் எப்படி எல்லாம் சாப்பிடக்கூடாது என ஒரு பட்டியல் தருகிறது.

"கிடந்து உண்ணார், நின்று உண்ணார்,

வெள்ளிடையும் உண்ணார்,

சிறந்து மிக உண்ணார், கட்டில்மேல் உண்ணார்,

இறந்து, ஒன்றும் தின்னற்க, நின்று!"

கிடந்து உண்ணார் = படுத்துக்கொண்டு சாப்பிடக்கூடாது

நின்று உண்ணார் = நின்றுக்கொண்டு சாப்பிடக்கூடாது

வெள்ளிடையும் உண்ணார் = வெட்ட வெளியில் இருந்து சாப்பிடக்கூடாது

சிறந்து மிக உண்ணார் = நன்றாக இருக்கிறது என்பதற்காக,நிறைய சாப்பிடக்கூடாது

கட்டில்மேல் உண்ணார் = படுக்கையின்மேல் அமர்ந்து சாப்பிடக் கூடாது

இறந்து = ஒரு, முறை இல்லாமல் (நேரம் காலம் பார்க்காமல்)

ஒன்றும் தின்னற்க,நின்று! = ஒன்றும் சாப்பிடக் கூடாது

மொத்தத்தில் உட்கார்ந்து, அளவோடு, நேரம் காலம் அறிந்து, சரியான இடத்தில் இருந்து உணவு உண்ண வேண்டும்..