இதய நோய் - நடைபயிற்சி

இதய நோய் இதயத்தை பாதிக்கும் பல்வேறு நிலைகளை விவரிக்கிறது. இது உலகளவில் இறப்புக்கான முக்கிய காரணமாகும். மேலும் ஒவ்வொரு ஆண்டும் 17.9 மில்லியன் இறப்புகள் ஏற்படுவதாக உலக சுகாதார அமைப்பு (டபுள்யுஎச்ஓ) தெரிவித்துள்ளது. ஆரோக்கியமற்ற உணவு, உடல் உழைப்பின்மை, புகையிலை பயன்பாடு மற்றும் மது அருந்துதல் ஆகியவை இதய நோய் மற்றும் பக்கவாதத்தின் மிகவும் பொதுவான நடத்தை ஆபத்து காரணிகள் என்று உலகளாவிய சுகாதார நிறுவனம் தெரிவித்துள்ளது. நல்ல செய்தி என்னவென்றால், பெரும்பாலான இதய நோய்கள் தடுக்கக்கூடியவை

உங்கள் ஆபத்தை குறைக்க எளிய வழிகளில் ஒன்று நடைபயிற்சி. ஓரிரு நிமிட நடைப்பயிற்சி உங்கள் இதய நோய் அபாயத்தைக் கணிசமாகக் குறைக்கும் என்று ஒரு புதிய ஆய்வு கண்டறிந்துள்ளது. நீங்கள் செய்ய வேண்டிய நடைப்பயணத்தின் சரியான அளவு என்ன என்பதை இக்கட்டுரையில் தெரிந்துகொள்ளுங்கள்.

ஒரு ஆய்வின்படி, ஒரு நாளைக்கு 21 நிமிட நடைப்பயிற்சி செய்வது ஒருவருக்கு இதய நோய் அபாயத்தை 30 சதவிகிதம் குறைக்கும் என்று கூறுகிறது. இது ஒரு வாரத்தில் இரண்டரை மணி நேரம் நடைபயிற்சி செய்வதற்கு சமம். இதை சரியாகச் செய்தால், உடல் எடையைக் குறைக்கவும், இரத்த அழுத்தம் மற்றும் கொழுப்பைக் குறைக்கவும் உதவும். உங்கள் நினைவாற்றலை அதிகரிக்கவும், இதய நோய், நீரிழிவு, புற்றுநோய் மற்றும் பல உடல்நல அபாயத்தைக் குறைக்கவும் இது உதவும்.

ஹார்வர்ட் மருத்துவப் பள்ளியின் மதிப்பாய்வு, கோவிட்-19 இன்னும் பரவி, இதய ஆரோக்கியத்தைப் பாதிக்கும் என்று கூறப்படும் நேரத்தில் வந்துள்ளது. லேசான கோவிட்-19 கூட இதயம் உட்பட உடலில் கடுமையான பாதிப்பை ஏற்படுத்தும் என்று ஆய்வுகள் தெரிவிக்கின்றன. நேச்சர் மெடிசினில் வெளியிடப்பட்ட சமீபத்திய ஆய்வின்படி, கோவிட்-19 இன் லேசான நிகழ்வு கூட நோயறிதலுக்குப் பிறகு குறைந்தது ஒரு வருடத்திற்கு ஒரு நபருக்கு இருதய பிரச்சினைகள் ஏற்படும் அபாயத்தை அதிகரிக்கும். இதய செயலிழப்பு மற்றும் பக்கவாதம் போன்ற பல நிலைகளின் விகிதங்கள், நோய் இல்லாத நபர்களை விட கோவிட்-19 இலிருந்து மீண்டவர்களில் கணிசமாக அதிகமாக இருப்பதை அது கண்டறிந்தது.

அமெரிக்கன் ஹார்ட் அசோசியேஷன் (ஏஎச்ஏ) படி, நடைபயிற்சி இதய ஆரோக்கியத்திற்கான சிறந்த பயிற்சிகளில் ஒன்றாகும். இது ஆற்றலை அதிகரிக்க உதவுவது மட்டுமல்லாமல், ஒருவரின் கொலஸ்ட்ரால் மற்றும் இரத்த அழுத்த அளவையும் மேம்படுத்துகிறது. அதுமட்டுமல்லாமல், நடைபயிற்சி, டைப் 2 சர்க்கரை நோய், சில புற்றுநோய்களின் அபாயத்தையும் குறைக்கிறது மற்றும் எலும்பு அடர்த்தியை பராமரிக்கிறது என்று ஆராய்ச்சி தெரிவிக்கிறது.

நடைபயிற்சி மூலம் நீங்கள் பெறக்கூடிய பிற நன்மைகள் இதய நோய், பக்கவாதம், உயர் இரத்த அழுத்தம், புற்றுநோய் மற்றும் வகை 2 நீரிழிவு உள்ளிட்ட பல்வேறு நிலைமைகளைத் தடுக்க அல்லது நிர்வகிக்க நடைபயிற்சி ஒரு சிறந்த வழியாகும். இது இருதய ஆரோக்கியத்தை மேம்படுத்த உதவுகிறது. எலும்புகள் மற்றும் தசைகளை வலுப்படுத்துகிறது. ஆற்றல் அளவை அதிகரிக்கிறது மற்றும் ஆரோக்கியமான உடல் எடையை பராமரிக்க உதவுகிறது.