உலக அமைதி தினம் - மகரிஷி பிறந்த நாள்

 

மனம்

 

BLESSING IS A WONDERFUL....

 

UNIVERSAL MIGHT

 

REALISATION OF TRUTH

 

மகரிஷி அவர்களுடன்........15

1990ம் ஆண்டு டிசம்பர் மாதம் நடைபெற்ற ஆசிரியப் பயிற்சியில் கலந்துகொள்ள மாலாவோடு சென்றிருந்தேன். ஆழியார் அறிவுத் திருக்கோயில் திறக்கப்பட்டு நடைபெறும் முதல் ஆசிரியப் பயிற்சி, இந்தப் பயிற்சியிலிருந்துதான் சான்றிதழ் கொடுக்க ஆரம்பிக்கப்பட்டது. மூத்த ஆசிரியர்களெல்லாம் தங்களுக்கு இதுபோல் அழகான சான்றிதழ் கிடைக்கவில்லையே என் ஆதங்கப்பட்டார்கள் ( 1990க்கு முன் பயிற்சி எடுத்தவர்கள் பெயர்கள் பேரேடுகளில் எழுதி வைக்கப்படும் ). மகரிஷி அவர்கள் " இந்த சான்றிதழினைப் பத்திரமாக வைத்துக் கொள்ளுங்கள். எதிர்காலத்தில் இதற்கு மிகவும் மதிப்பு உண்டாகும் " எனப் பயிற்சி முடித்தவர்களிடம் சொன்னார்கள்.

இப்பயிற்சியின்போது மகரிஷி அவர்களுடன் முக்கால் மணி நேரத்திற்கும் மேல் உரையாடிக்கொண்டிருந்தோம். அப்போது அவர்கள் அமெரிக்கா யக்காவேலி ஆசிரமத்தில் தொண்டாற்றிக்கொண்டிருக்கும்போது நிகழ்ந்த சில சம்பவங்களை எங்களிடம் கூறினார்கள். அதிலொன்று இங்கே பதிவிடுகின்றேன் -

யக்காவேலி ஆசிரமம் பாலை நிலத்தில் அமைந்துள்ள ஓர் இடம். Mental Physics என்ற பெயரில் ஆன்மீகத்திற்கென அமைக்கப்பட்ட இந்த இடத்தில் பல்வேறு அமைப்பினர் தியானத்திற்கென கூடுவார்கள். 1987ம் ஆண்டு மகரிஷி அவர்கள் இந்த ஆசிரமத்தில் தொண்டாற்றிக்கொண்டிருக்கும்போது விண்வெளியில் இயற்கை நிகழ்வு ஒன்று வெகு சீக்கிரம் நடக்க இருப்பதால் அப்பகுதி மக்கள் அச்சத்திலிருந்தனர். அதாவது பூமியின் ஒரு பக்கம் கோள்கள் அதிகம்  நேர்கோட்டில் வருவதாலும் எதிர்புறம் ஒரு கோள் மட்டும் இருப்பதாலும் ஈர்ப்பு சக்தியினால் உலகின் பல நாடுகளில் பாதிப்பு ஏற்படும், குறிப்பாக அமெரிக்கா பாதிக்கப்படும் என பல செய்திகள் பரவியிருந்தன. போதாக்குறைக்கு அமெரிக்க ஜோதிடர்களும் அதிக பயம் காட்டிவிட்டினர்.

இத சமயத்தில் யக்காவேலி ஆசிரம அமைப்பினர் எல்லா தியான குழுக்களையும் கூப்பிட்டு கூட்டு பிரார்த்தனை நடத்த அழைத்திருந்தார்கள். நம் மகரிஷி அவர்களுக்கு இந்நிகழ்வின் தலைமைப் பொறுப்பு தரப்பட்டது. மகரிஷி அவர்கள் " பஞ்சபூத - நவக்கிரக " தவத்தின் விளக்கம் தந்து தவத்தினையும் நடத்தினார்கள். ஒவ்வொரு கிரகத்திலிருந்து காப்பு பெறுகின்றோம், அவை நமக்கு நன்மையே அளிக்கட்டும்  என்று சொன்னபோதெல்லாம் அங்கு கூடியவர்களிடம் பெரிய நிம்மதி.

வந்திருந்தவர்களெல்லாம்  மிக நிறைவாக மகரிஷிக்கு நன்றி கூறிச் சென்றார்களாம். ( ஏற்பட்ட இந்த இயற்கை நிகழ்வால் எங்கும் எந்த பாதிப்பும் ஏற்படவில்லை )

இன்னொரு நிகழ்வு அடுத்த பதிவில் -        

To read    மகரிஷி அவர்களுடன்........14   click   HERE

To read    மகரிஷி அவர்களுடன்........13  click   HERE

To read    மகரிஷி அவர்களுடன்........12  click   HERE

To read    மகரிஷி அவர்களுடன்........11   click   HERE

To read    மகரிஷி அவர்களுடன்........10   click   HERE

To read    மகரிஷி அவர்களுடன்........9    click   HERE

             

                                                                                                               

மகரிஷி அவர்களுடன்........14

THANKS TO ALL WHO CONTINUOUSLY SUPPORT ME

மகரிஷி அவர்கள் 1991ம் ஆண்டு என்னிடம் " இல்லற வாழ்வில் 10 ஆண்டுகள் அனுபவித்த பிறகு கணவன் - மனைவியாக தொண்டிற்கு வாருங்கள் " எனப் பணித்திருந்தார்கள். எட்டு ஆண்டுகளிலேயே,  1989ம் ஆண்டிலேயே மாலாவுடன் பெல் மன்றத் தொண்டில் முழு மூச்சாக ஈடுபட ஆரம்பித்தோம். மகரிஷி அவர்களைத் திருச்சிக்கு நிகழ்ச்சிகள் நடத்தித் தர வேண்டி கடிதம் எழுதினோம். அப்போது மகரிஷி அவர்கள் அமெரிக்காவில் யக்காவேலி என்ற இடத்தில் அருட்தொண்டாற்றிக்கொண்டிருந்தார்கள். அங்கிருந்து அவர்கள் எங்களுக்கு எழுதிய கடிதம் கீழே -

 

ஆழியார் அறிவுத்திருக்கோயில் பிப்ரவரி 1990ல் திறக்கப்பட்ட பிறகு 1993 ம் ஆண்டுதான் மகரிஷி அவர்களால் பெல் மன்றத்திற்கு வரமுடிந்தது.

இடையில் பலமுறை சென்னை தலைமையகத்திலும், ஆழியாரிலும் ( (1990,91 & 92 ஆசிரிய பயிற்சிகளின்போது ) மகரிஷி அவர்களோடு உரையாடிய நிகழ்வுகளை வரும் பதிவுகளில் தெரிவிக்கின்றேன்.

MAHARISHI'S PHOTO WHICH I RECEIVED DURING 1978

மகரிஷி அவர்களுடன்...........12

நான் மகரிஷி  அவர்களிடம் கேட்ட முதல் கேள்வி !

 மகரிஷி அவர்கள் முதன்முறையாக பிப்ரவரி 17ம் தேதி திருச்சி வந்தது பற்றி ஏற்கனவே சொல்லியுள்ளேன். பிப்ரவரி  18ம் தேதி மாலை  6 மணி அளவில்  "குடும்ப வாழ்வும் குண்டலினி யோகமும் " என்ற தலைப்பில் மத்திய பேரூந்து நிலையம் அருகில் உள்ள ஹோட்டல் ஒன்றின் பெரிய ஹாலில் ஏற்பாடு செய்யப்பட்டிருந்தது.

மகரிஷி அவர்கள் மாலை  4 மணிக்கே தயாராகிவிட்டார்கள். அவர்கள் கொஞ்சதூரம் நடந்துபோய் வரலாமென சொன்னதின் பேரில் ஆழியாரில் அருளரங்கம் கட்ட உதவிய USA திருமதி இந்திரா குப்தா, அவருடன் வந்திருந்த டோனி ஸதானந்த் ( இவர் பிற்காலத்தில் நியூ ஜெர்சியில் தவப்பயிற்சி அளித்து வந்தார். 2019ல் இறைநிலை அடைந்தார் ), மகரிஷிக்கு உதவி செய்ய வந்த ஓமனா இவர்களுடன் நான் அனைவரும் மத்திய பேரூந்து நிலையம் அருகே நடந்து சென்றோம். அப்போது சைக்கிளில் வந்த ஓர் இளைஞன் அப்பகுதியில் ஒட்டப்பட்டிருந்த திரைப்பட கவர்ச்சி படத்தைப் பார்த்துக்கொண்டே  சாலையினை ஒழுங்குபடுத்திக்கொண்டிருந்த போலீஸ்காரர் மீது மோதிவிட்டான். அப்புறம் அங்கே நடந்த சச்சரவுகளைப் பார்த்துக்கொண்டே  மாலை நிகழ்ச்சி நடைபெறும் இடத்திற்கு வந்தோம்.

மஹரிஷி அவர்களின் உரை கேட்க இருநூறு  அன்பர்களுக்குமேல்  வந்திருந்தனர்.  அன்றைய உரை மிகச் சிறப்பாக அமைந்தது. கலந்துரையாடல் பகுதியும் பலருக்கு உபயோகமாக இருந்தது. 

அன்று இரவு உணவுக்குப்பின் மகரிஷி அவர்களுடன் பேசிக்கொண்டிருந்தோம். பேரா.உலகநாதன் அவர்களும் எங்களுடன் இருந்தார். அப்போது மாலையில் நடந்த சம்பவம் பற்றி பேச்சு எழுந்தது.

நான் மகரிஷி அவர்களிடம் " சைக்கிளில் வந்த அந்த இளைஞனின் கவனம்  அந்த நடிகை படத்தால் சிதறி இப்படி நடந்துவிட்டது.இதுவே சைக்கிளுக்குப் பதிலாக வேறு ஒரு பெரிய வாகனமாக இருந்தால் பெரிய விபத்து ஏற்பட்டிருக்கும் " எனக் கூறி மகரிஷி அவர்களிடம் என் முதல் கேள்வியினைக்  " கவர்ச்சி என்றால் என்ன? ஆபாசம் என்றால் என்ன ? " எனக் கேட்டேன். பேரா. உலகநாதன் என் கையினைப் பிடித்து அமுக்கி " இப்படியெல்லாம் சாமியிடம் கேட்கலாமா?" என கிசுகிசுத்தார். ஆனால் மகரிஷி அவர்களோ " இது ஒரு நல்ல கேள்வி. யாராவது நான் சொல்வதைக் குறிப்பெடுத்துக் கொள்ளுங்கள்" என்று சொல்லி  என்னைப் பார்த்து " கருவாடு பார்த்திருக்கிறாயா ? " எனக் கேட்டார்கள். " பார்த்திருக்கிறேன். நான் சுத்த சைவம் " என்றேன். "பார்க்க அழகாகவா இருக்கும் ?" எனக் கேட்டார்கள். " அருவெறுப்பாக இருக்கும் " என்றேன்.அதன் மணம் எப்படியிருக்குமெனக் கேட்டார்கள். " நாற்றம் குடலைப் புரட்டும் " என்றேன். 

 "கருவாடு சாப்பிடுபவர்களிடம் பேசிப்பாருங்கள். அதன் சுவை பற்றி - சப்புகொட்டிக்கொண்டு சிலாகிப்பார்கள். எனவே கருவாட்டின் கவர்ச்சி அதன் சுவையிலே! " என்றார்கள். மேலும் " மல்லிகைக்கு மணம் கவர்ச்சி. சில பூக்கள் பார்க்க அழகாக இருக்கும். ஆனால் மணம் இருக்காது. சிலவற்றிடம் இரண்டுக்கும் மேற்பட்ட புலன்களைக் கவரும் தன்மை இருக்கும். உதாரணம் -ரோஜா. கவர்ச்சி எல்லை மீறும்போது அது ஆபாசமாக மாறிவிடுகின்றது " என முடித்தார்கள். இந்த உரையாடல் முழுக்க, முழுக்க நகைச்சுவையாக இருந்தது.

பேரா உலகநாதன் அவர்கள் பிறகு என்னிடம் " இப்படியெல்லாம் சாமியிடம் கேட்கலாமா என்ற உணர்வில்தான் உங்கள் கையைப் பிடித்து அழுத்தினேன். ஆனால் சாமி நமக்கு பல  புதிய  விஷயங்கள் சொன்னார்கள். ரொம்ப நன்றி " எனப் பாராட்டினார்கள்.

எனக்கு அப்புறம் தைரியம் வந்து மகரிஷி அவர்களிடம் நிறைய சந்தேகங்களை எழுப்பினேன். அவற்றினை அவ்வப்போது இப்பகுதியில் பதிவிடுகின்றேன்.

ஞானவயலின் இந்த 7000மாவது பதிவினை மகரிஷி அவர்களுக்கு மகிழ்ச்சியுடன் மற்றும் நன்றியுடன் சமர்ப்பணம் செய்கின்றேன்.

.

மகரிஷி அவர்களுடன்...........11

இந்த பதிவில் வரும் நிகழ்வினை நினைக்கும்போதெல்லாம் நான் நெகிழ்ந்து போவேன்; பெருமிதம் கொள்வேன். மகரிஷி அவர்கள் என்னைத் தகுதிப்படுத்தி உற்சாகமூட்டிய, என்றும் மறக்க முடியாத நிகழ்ச்சி. 

2000ம் ஆண்டு ஜனவரி முதல் வாரம் - ஆழியாரில் நடந்த ஒரு மூன்று நாள் பயிற்சியிக்கு சென்றிருந்தேன். இரண்டாம் நாள் காலை நிகழ்வு முடிவடைந்து மகரிஷி அவர்கள் தன் காலணிகளை அணிந்துகொள்ள வரும்போது அங்கு ஓரமாக நின்றுகொண்டிருந்த என்னைப் பார்த்து

 " எப்ப வந்தீங்க? "என்று வாஞ்சையுடன்  கேட்க

 " இரண்டு நாளாயிற்று சாமி " என பதில் அளித்தேன். 

" ஏன் என்னைப் பார்க்க வரவில்லை? " என மகரிஷி கேட்க

 " தங்களை சந்திக்க நேரம் கேட்டிருக்கின்றேன் சாமி " என பதில் அளித்தேன். 

உடனே அவர்கள் " இன்று மதியம் மூன்று மணிக்கு வாங்க  "  என அழைத்தார்கள்.

சரியாக மூன்று மணிக்கு அவரது அறைக்குச் சென்றேன். எதோ எழுதிக்கொண்டிருந்த அவர்கள் என்னைப் பார்த்தவுடன் முகம் மலர வாழ்த்தினார்கள். நானும், மாலாவும் திண்டுக்கல்லிலிருந்து வெளிவரும்  'அன்புநெறி' மாத இதழில் ' மாணவர் பக்கம் ' என்ற தலைப்பில் எழுதிவரும் கட்டுரைத் தொடரினைக் குறிப்பிட்டு

 " நான் தொடர்ந்து படித்து வருகின்றேன். ஆக்கபூர்வமான  கட்டுரைகள். எட்டு வயதிலிருந்து பதினான்கு வயது மாணவ, மாணவியர்களுக்கு மிகவும் பயன்தருமாறு எழுதுகின்றீர்கள். " எனப் பாராட்டினார்கள். மேலும்

"இன்றைய இளைஞர்களை சரியான பாதையில் கொண்டு செல்லும் மிகப் பெரிய பொறுப்பு நமக்குள்ளது. தங்கள் எதிர்கால இலக்குகளை அவர்களே தேர்ந்தெடுத்து செயல் படுத்த பயிற்சிகள் தர வேண்டும். "எனவும் கூறினார்கள். இளைஞர்கள் முன்னேற்றம் பற்றி பல நல்ல கருத்துக்களைக் கூறினார்கள். 

 அப்போது நான் " யார் ஒருவர் தன் இளவயதில் தன் எதிர்காலத்தைப் பற்றி தீர்க்கமாக முடிவெடுக்கிறார்களோ அவர்கள் வெற்றி பெறுகின்றார்கள். சாதிக்கின்றார்கள் என பல மனோவியல் நிபுணர்கள் தங்கள் ஆய்வினை வெளிப்படுத்தியிருக்கின்றார்கள். " எனக் கூறினேன்.

உடனே மகரிஷி அவர்கள் " நானும் என் எதிர்காலம் பற்றி பத்தொன்பது வயதில் ஒரு கவிதை எழுதியுள்ளேன். அதில் நான் எண்ணியபடி எல்லாமே நடந்துள்ளது " என்றார்கள். " அந்த கவிதை ஞானக்களஞ்சியத்தில் உள்ளதா? நான் பயன்படுத்திக்கொள்ளலாமா? " என மிக ஆவலுடன் கேட்டேன்.

அதற்கு மகரிஷி அவர்கள்  1955க்குப் பிறகு நான் எழுதியவைதான் அச்சில் உள்ளன. இந்த கவி ஒரு தாளில் எழுதப்பட்டு ஒரு பழைய டைரியில் உள்ளது " என்றார்கள். எனக்கு ஒரு பொக்கிஷம் கிடைத்த உணர்வு. அந்தக் கவியினைத் தந்தால் என் கட்டுரையில் எழுதி அன்பு நெறிக்கு அனுப்புகின்றேன். " என வேண்டினேன்.

தன் உதவியாளரை  அழைத்து பீரோவில் இருந்த பழைய டைரிகளில்  தேடினார்கள்.  4 மணி மாலை நிகழ்விற்கு மகரிஷி செல்ல வேண்டிய நேரம் நெருங்கி விட்டது.

" அந்த கவியினை நான் உங்களுக்கு அனுப்பி வைக்கின்றேன்." எனக் கூறி 

"நாம் இந்த நூற்றாண்டின் நிறைவில் இருக்கின்றோம். அடுத்த ஆண்டு புது நூற்றாண்டு  மட்டுமல்ல - அடுத்த மில்லினியத்தையும் காண இருக்கின்றோம். குழந்தைகளை, இளைஞர்களை ஊக்குவிக்கும்படியாக உங்கள் பணி தொடரட்டும்." என வாழ்த்தி அனுப்பினார்கள்.

மகரிஷி கவியினை எதிர்பார்த்துக் கொண்டிருந்த வேளையில், 2000 செப்டம்பர் மாத அன்பொளி மாத இதழில் " மகரிஷிகள் தங்கள் வாலிப வயதில் உருவாக்கி வெற்றி கண்ட சங்கல்பம் " என்ற தலைப்பில் மகரிஷி அவர்களின் இள வயது கவி வெளியாகியிருந்தது. அது மாத்திரமல்ல " இந்த சங்கல்பத்தினால், தான் எதிர்பார்த்த பயனும், உலகத்திற்கு தர நினைத்த பயனும் கிடைத்த பின்   அன்று எடுத்த முடிவு " என்ற தலைப்பில் புதிதாக ஒரு கவி எழுதி வெளியிட்டிருந்தார்கள்.

நாங்கள் அடைந்த மகிழ்ச்சிக்கு எல்லையே இல்லை !

அந்த கவிகள் கீழே -

 

அடுத்த முறை மகரிஷி  அவர்களை சந்தித்தித்தபோது நன்றி சொல்லி 

" 'செல்வதில் சிறந்திடுவேன்'  கவிதையினை மாணவர்களுக்கான பயிற்சிகளில் சொல்லி அவர்களை உற்சாகப படுத்துவோம். இந்த கவிகளை ஞானக்களஞ்சியத்தில் வெளியிட ஏற்பாடு செய்யுங்கள் " என வேண்டினோம். அப்போது  மகரிஷி அவர்கள்

 " நான்தான் உங்களுக்கு நன்றி சொல்லவேண்டும். உங்களால்தான் இந்த இரண்டு கவிகளும் வெளிவந்துள்ளன"என்று எங்களைத்  தகுதிப் படுத்தினார்கள்.

ஞானக்களஞ்சியம் அடுத்த பதிப்பில் இக்கவிகள் வெளியாகின.

அதனைக் கீழே கொடுத்துள்ளேன்:

பிப்ரவரி 2001 மாத அன்புநெறி இதழில் மகரிஷி அவர்களின் கவிதையினை மாணவர் பக்கம் கட்டுரையில்  எழுதியிருந்தோம்.

அது கீழே -

மேற்சொன்ன நிகழ்வினை நினைக்கும்போதெல்லாம் மகரிஷி எங்களிடம் காட்டிய அன்புக்கும், கருணைக்கும் என்றென்றும் நன்றியுடன் அவர் விரும்பிய உலக அமைதி கிட்டிட இளைய தலைமுறையை உருவாக்க உறுதி கொண்டோம்.

அந்த முயற்சியில் பத்து ஆண்டுகளுக்குமுன் எல்லா வயது மாணவர்களுக்கான Value Education பயிற்சி மூன்று நாட்களுக்கு தேர்ந்தெடுத்த மனவளக்கலை ஆசிரியர்களுக்கு ஆழியாரில் தரப்பட்டது. 

அப்பயிற்சி தற்போது 'பதின்பருவ பயிற்சியாக' மாணவர்களுக்கும், மாணவியருக்கும்  15நாட்கள் தனித்தனியே நடத்தப்பட்டு வருகின்றன.

மகரிஷி அவர்களுடன்...........10

2002ம் ஆண்டு ஆழியாரில் மகரிஷி அவர்களுடன்  இருபது நிமிடங்கள் பேச வாய்ப்பு கிட்டியது. 

" தாங்கள் எழுதிய அத்துனை கவிதைகளும், கட்டுரைகளும் அச்சில் வரவேண்டும் என்பது எங்கள் விருப்பம் " என அவரிடம் வேண்டியபோது 

" சென்னையில் சங்க அலுவலகம் மூன்று முறைக்கு மேல் இடம் மாற்ற  வேண்டிய சூழ்நிலை. அப்போது சில கவிதைகள், கட்டுரைகள் காணாமல் போய்விட்டது. அன்பொளியில் எல்லாவற்றையும் கொடுத்துவிட முயற்சித்தேன். அன்பொளியும் சில காலம் வெளிவராமல் இருந்ததினால் சில கவிதைகள், கட்டுரைகள் தாள்களில் எழுதப்பட்டு அவற்றில் பல இல்லாமல் போய்விட்டது. சுதேசமித்திரன் நாளிதழில் சில கவிதைகள், கட்டுரைகள் பிரசுரமாயுள்ளன. அவற்றினைத் தேடி எடுக்க கன்னிமரா நூலகம் செல்லவேண்டும் " என வருத்தத்தோடு கூறினார்.

" பேராசிரியர் இருசு பிள்ளை அவர்கள்  எழுதிய புத்தகங்களுக்கு மதிப்புரை, வாழ்த்துரை தந்துள்ளேன் " என மேலும் கூறினார். 

Pera IrusuPillai & Mala ( 20-11-13 )

பேராசிரியர் இருசு பிள்ளை அவர்கள் மகரிஷி அவர்களின் நெருங்கிய நண்பராகத் திகழ்ந்தவர். சிறந்த தமிழ் அறிஞர். கோவையில் மனவளக்கலை  பரவ அருந்தொண்டாற்றியவர். தமிழ் நூல்கள்  பல எழுதியுள்ளார். வானொலியில் சொற்பொழிவு நிறைய முறை ஆற்றியிருக்கின்றார்.மாலாவிடமும், என் மீதும் அளவற்ற அன்பு கொண்டவர். அவர் மகன் திருச்சியில் வேலை பார்த்தபோது அடிக்கடி திருச்சி வருவார். இங்கு வரும்போதெல்லாம் அவர் தினமும் எங்கள் வீட்டிற்கு வந்து எங்களுக்கு பல்வேறு தவ விளக்கங்களையும், மகரிஷி அவர்களோடு அவரது அனுபவங்களையும் பகிர்ந்து கொள்வார். 

மகரிஷி அவரது நூலுக்கு எழுதிய வாழ்த்துரை பற்றி கேட்டதற்கு " நான் கோவை சென்றவுடன் அதனை உங்களுக்கு அனுப்பி வைக்கின்றேன் " என உறுதி அளித்தார். சொன்னபடியே "எண்ணுக நல்லன "என்ற புத்தகத்திற்கு மகரிஷி அளித்த அந்த வாழ்த்துரையினை அனுப்பி வைத்தார். அதனைக் கீழே கொடுத்துள்ளேன்:

இருசு பிள்ளை ஐயா அவர்கள் அவ்வப்போது அலைபேசியில் பேசி எங்களை வாழ்த்துவார். 2020ம் ஆண்டு அவரைத் தொடர்பு கொண்டு " கோவையில் தங்களை சந்திக்கின்றேன். தாங்கள் எழுதிய புத்தகங்கள் அனைத்தும் எங்கள் அறிவுத்திருக்கோயில் நூலகத்திற்கு தேவை " என வேண்டியபோது " எல்லா புத்தகங்களையும் எடுத்து வைக்கின்றேன். வாருங்கள்" எனக் கூறி எங்களை மனங்குளிர வாழ்த்தினார். 

 கொரானா ஊரடங்கு காரணத்தினால் ஓராண்டிற்கு மேலாக கோவை செல்ல முடியவில்லை. இந்த சமயத்தில் அவரது மறைவு செய்தி கிடைத்தது. நாங்கள் அடைந்த துயரத்திற்கு அளவே இல்லை.

வாழ்க பேரா. இருசு பிள்ளை ஐயா புகழ்!

இந்த ஞானவயல் வலைப்பூவின் 6500வது பதிவினை பேரா.இருசு பிள்ளை அவர்களுக்கு நன்றியுடன் சமர்ப்பிக்கின்றேன்.

 " 

மகரிஷி அவர்களுடன்...........9 ( This Blog crossed 285 K + Views )

1981ம் ஆண்டு மகரிஷி அவர்கள்  திருச்சி நிகழ்ச்சிகளுக்காக இரண்டு  நாட்கள் ( பிப்ரவரி 17,18 ) தந்திருந்தார்கள். மகரிஷியின் திருச்சி வருகை அன்பொளி ஜனவரி 1982 இதழில் வெளியிடப்பட்டு நிறைய அன்பர்கள் ஆவலுடன் காத்திருந்தோம்.

மிக, மிக ஆவலுடன் காத்திருந்த என்னிடம் கரூர் அருள்நிதி தம்பதியர் கிருஷ்ணகவுடு & குப்புராஜ்  ஒரு நாளினைத் ( Feb 18 )  தங்களுக்கு அளிக்க பெரிதும் வேண்டினர். என்னையும் மகரிஷி அவர்களுடன் வருமாறு கேட்டுக் கொண்டனர். ஏமாற்றம் இருந்தாலும் பல புதிய இடங்களில் மன்றம் துவக்க அவர்கள் ஏற்பாடு செய்திருந்ததால் மகிழ்வுடன் சில திருச்சி நிகழ்ச்சிகளைத் தவிர்த்து ஒரே நாள் மட்டும்தான் திருச்சியில் நிகழ்ச்சி நடத்த முடிந்தது 

அந்த ஒரு நாளிலும் மகரிஷி அவர்களிடம் கேட்டது, பெற்றது ஏராளம். மூன்று மணி நேரத்திற்குமேல் அவரிடம் நான் மட்டும் உரையாட கிடைத்த வாய்ப்பு பெரும் பேறு - பல அரிய தகவல்களைக் கூறினார். வர்ணாஸ்ரம தர்மம் பற்றி ஒரு மணி நேரத்திற்குமேல் அவர் விளக்கியது  என்னால் மறக்க இயலாது.

உடலில்  உண்டாகும் கழிவுப் பொருள்கள் பதினான்கினையும், அவை எப்போதெல்லாம் எழுச்சி பெறுகின்றனவோ அப்போதே அவற்றினை சமன் செய்துவிட வேண்டும் எனக் கூறி அதற்கான வாய்ப்பு, வசதி போன்ற அடிப்படை தேவைகளும் வேண்டுமெனக் கூறி கீழ்கண்ட பாடலைக் கூறினார்:

தூக்கம் நா வறட்சி மூத்ரம் 

           தும்மலோ டிருமல் வாந்தி 

தாக்கிடும் பசி கொட் டாவி 

          தழைமலம் ஏப்பம் சுக்கிலம்

நோக்கின் நீர் அபானவாயு 

நுவல் சுவா சத்தொடீரேழ்

தூக்குமார் வேகந் தன்னை 

ஸ்வஸ்தன்தான் அடக்கி டானே

பாடலைக் கேட்டவுடன் ' இவ்வளவு அழகாக தமிழில் பாடல் எழுதப்பட்டு  கடைசி வரியில் ஸ்வஸ்தன் என்ற வார்த்தை சற்று நெருடலாக உள்ளதே? ' என மகரிஷி அவர்களிடம் கேட்டேன்.

அதற்கு மகரிஷி அவர்கள் சொன்ன விளக்கம் -

ஓர் ஆயுர்வேத நூல் ஒன்றின் பெயரைக் குறிப்பிட்டு ( எனக்கு பெயர் மறந்துவிட்டது ) அதில் இந்த வார்த்தைக்கு கொடுக்கப்பட்டுள்ள பல்வேறு அர்த்தங்களைக் கூறினார். அவை -

1. உடல், மனம், ஆன்மா மற்றும் புலன்களிடையே இணக்கங்கள் ஆனந்தமயமான இருக்கவேண்டும்.

2. பதினான்கு கழிவுகளுமுதலில் தங்கியிருக்கக் கூடாது

3. மூன்று தோஷங்கள்( வாத, பித்த &  கபம் ), ஏழு தாதுக்கள் சம நிலைப்படவேண்டும் 

4.  ஆன்மீகத்திலே உயர்ந்திருக்க வேண்டும் 

இத்தனையும் கொண்ட   ஒரு வார்த்தைதான் ஸ்வஸ்தன். ஆரோக்கியம் என்றால்  தமிழில் இப்போது உடல்நலம் என்றுதான் அர்த்தப்படுத்திக்கொள்கிறார்கள். ஆரோக்கியமும்,  ஸ்வஸ்தன் என்ற வார்த்தையின் அர்த்தங்களும் ஒன்றுதான் என முடித்தார்கள்.

உலக சுகாதார நிறுவனமும் ( WHO ) health என்பதற்கான definition கீழ்வருமாறு அமைத்துள்ளது :

Health is a state of physical, mental and social well-being, not just the absence of disease or infirmity. 

இதில் ஆன்மிகம் விடுபட்டுள்ளது. இதனையும் சேர்க்க முயற்சிகள் மேற்கொள்ளப்பட்டுள்ளன என அறிகின்றேன்.

To read மகரிஷி அவர்களுடன்........5...     click HERE

To read மகரிஷி அவர்களுடன்........6...     click  HERE

To read மகரிஷி அவர்களுடன்........7...     click HERE

To read மகரிஷி அவர்களுடன்........8        click HERE

மகரிஷி அவர்களுடன் ……8 ( 6000th POST OF THIS BLOG )

 

இன்று வள்ளல் பெருமான் அவர்களின்  200வது ஜெயந்தி தினம்.

அவர் மகரிஷி அவர்களை ஆட்கொண்டதை மகரிஷி அவர்களே ஒரு கவியில் சொல்லியுள்ளார்கள். அது கீழே - 

05-02-1985அன்று மகரிஷி அவர்கள் தைப்பூசம் முன்னிட்டு வடலூர் வரப்போவது அறிந்து அங்கு அவர்களை சந்திக்க திட்டமிட்டேன்.நான் நெய்வேலியில் பணிபுரிந்தபோது அடிக்கடி வடலூர் சென்று வருவது வழக்கம். எனவே இந்த வாய்ப்புக்காக திட்டமிட்டு நெய்வேலியில் உள்ள நண்பர்களுக்கும் தெரிவித்திருந்தேன்.

ஆனால் பணி நிமித்தமாக பஞ்சாப் செல்லவேண்டியாகி விட்டது.

தைப்பூசம் அன்று மகரிஷி வடலூரில் நிகழ்த்திய சொற்பொழிவு மிக அற்புதமாக அமைந்ததாக என் நண்பர்கள் தெரிவித்தனர். சொற்பொழிவின் நடுவில் மகரிஷி சில நிமிடங்கள் சமாதி நிலையில் ஆழ்ந்து திளைத்தபோது அரங்கத்தில் உள்ள அனைவருக்குமே ஓர் அருள் அலை பாய்ந்தது போன்ற உணர்வு ஏற்பட்டதாம். இதனை பலரும் எனக்கு தெரிவித்தனர். என்னால் அந்த நிகழ்வில் கலந்துகொள்ள முடியாமல் போய்விட்டதே என்ற ஏக்கம் இன்னும் உள்ளது.

ராமகிருஷ்ண பரமஹம்சர் பற்றி  அவர் அவ்வப்போது சமாதி நிலையில் ஆழ்ந்தார்; பரவச நிலை அடைந்தார் என படித்திருக்கின்றோம். மகரிஷி அவர்கள் தான் அடைந்த பரவச நிலையை வடலூரில் கூடியிருந்த   ஆயிரக்கணக்கான அன்பர்களுக்கும் உணர்த்திய இந்நிகழ்ச்சி பலருக்கும் தெரியாத ஒன்று. எனவே இப்பதிவு.

( "வள்ளலார் விரித்த  கடை" என்ற தலைப்பில் என் நண்பர்கள் மகரிஷி பேசியதை சுருக்கமாக எனக்கு அனுப்பி வைத்தனர். அதனை பிறகு இங்கு பதிவிடுகின்றேன்).

1981ம் ஆண்டு மகரிஷி திருச்சி வந்தபோது வள்ளலார் பற்றி அவரிடம் நிறைய கேள்விகள் கேட்டேன். அவற்றில் ஒரு கேள்வியான

 " கடை விரித்தேன், கொள்வாரில்லை என வள்ளலார் ஆதங்கப்பட்டிருக்கின்றாரே " 

என்பதற்கு மகரிஷி அவர்கள் அளித்த பதில் -

" கடைத்தெரு என்றால் அந்த காலத்தில் வியாபாரிகள் பண்டமாற்று முறையில் பொருட்களை விற்பதற்கு ஏற்ற முறையில் வீடுகள் அமைந்த பகுதிகளைத் தவிர்த்து ஊருக்கு வெளியே ஓர் இடம் ஒதுக்கி கடை வீதி என அமைத்திருந்தனர். இப்போது கடைவீதி ஊருக்கு நடுவிலேயே, மக்கள் வசிக்கும் பகுதியிலே வந்து விட்டது.

வள்ளலார் எல்லாம் வல்ல முழுமுதற்பொருளாக உள்ள, சேரவேண்டிய இடமாக, கடைத்தேற வேண்டும் என்ற எண்ணத்தில் ' கடை விரித்தேன் ' என சொல்லியுள்ளார். இங்கு கடை என்றால் சுத்த வெளி எனக்கொள்ளவேண்டும். கடையை மூடிவிட்டாரா? திறந்தே உள்ளது. அதனால்தான் இவ்வளவு பேர்கள் இறையுணர்வு அனுபவிக்க வந்துகொண்டே உள்ளார்கள். நாம்தான் உலக மக்கள் அனைவருக்கும்   இந்த ஆன்மீகக் கடை பற்றி சொல்லி விளக்க வேண்டும். "

மகரிஷி அவர்களுடன் ……,7

1980ம் ஆண்டு மறக்கமுடியாத ஆண்டு ! மஹரிஷியுடன் மூன்று நாட்கள் முழுதும் கழித்த நாட்கள்!

பிப்ரவரி மூன்றாம் வாரம் கடலூரிலிருந்து பஸ்ஸில் திருமதி இந்திரா குப்தா ( ஆழியாரில் அருளரங்கம் கட்ட நிதி உதவியவர் ), டோனி என்கின்ற அமெரிக்க அன்பர், எனது ஆசானும் , வழிகாட்டியும், நெறியாளருமான முனைவர் நாகராசனும் மேலும் உதவிக்காக சென்னையில் மகரிஷிக்கு அரும் தொண்டாற்றிக்கொண்டிருந்த ஓமனா அவர்களும் திருச்சி வந்தனர். மூன்று நாட்களும் மாலையில்தான் மகரிஷிக்கு நிகழ்ச்சிகள் இருந்ததால் அவருடனும், மற்றவர்களுடனும் நிறைய உரையாட முடிந்தது.

இரண்டாம் நாள் மதியம் திருமதி இந்திரா அவர்களுக்கு குதிரை வண்டியில் பயணம் செய்யவேண்டுமென ஆசை ஏற்பட்டு எங்களிடம் தெரிவித்தார்கள். உடனே காந்தி மார்க்கெட் பகுதியிலிருந்து நல்ல குதிரை வண்டி கொண்டு வந்து அதில் மகரிஷி அவர்களும் இந்திரா அவர்களும் மாத்திரம் ( டோனி ஆறடி உயரம், ஆஜானுபாகுவாக இருந்ததினால் குதிரை வண்டிக்காரன் அவரை வண்டியில் ஏற அனுமதிக்கவில்லை ). வசதியாக செல்வதற்காக மகரிஷியும், இந்திராவும் மாத்திரம் பயணம் செய்தனர். ஒரு தகப்பன்போல இந்திராவிடம் மகரிஷி காட்டிய பாசம் இன்னும் நினைவில் உள்ளது. குதிரை வண்டியில் அகண்ட காவிரி பாலத்தைக் கடந்து திருவானைக்காவல் கோவிலுக்கும் இந்திராவை அழைத்துச் சென்றார் மகரிஷி அவர்கள்.

1980ம் ஆண்டுதான் கலர் போட்டோக்கள் இந்தியாவில் அறிமுகமான சமயம். இந்திரா அவர்களிடம் கலர் போட்டோ பிலிம் ரோல் ஒன்றுதான் இருந்தது. அதனை அவர் மிக சிக்கனமாக பயன்படுத்தினார். திருச்சியில் பர்மா பஜாரில் தேடியும் கலர் ரோல் கிடைக்கவில்லை. 

அந்த மூன்று நாட்களில் அவர் நான்கைந்து போட்டோக்கள்தான் எடுத்தார்.அதில் ஒன்றுதான் கீழே  உள்ள போட்டோ -

மகரிஷி அவர்கள் இந்திரா குப்தாவுடன் - பின்புறம் குதிரை வண்டி !

(நடுவில் இருப்பவர் யாரெனத் தெரியவில்லை) 

மகரிஷியுடன் நாங்கள் எல்லோரும் எடுத்துக்கொண்ட குரூப் போட்டோ தேடி எடுத்து அனுப்புவதாகச் சொன்னார்கள். 

மகரிஷி அவர்களுடன்............6

2002 ம் ஆண்டு வாக்கில் பெல் மன்றத்தில்  பிரம்மஞானப் பயிற்சி பெற்றவர்கள் ஆயிரத்திற்கும் மேலாகவும் அருள்நிதி பயிற்சி பெற்றவர்கள்  750க்கும்  மேலாகவும் இருந்தனர். இவர்களை மனவளக்கலையில் வாழ தினந்தோறும் அவர்களுக்கு பயிற்சி அளிக்க என்ன செய்யலாம் என்று வெகுவாக யோசித்தோம். இவர்களில் கிட்டத்தட்ட  70% பெல் நிறுவனத்தில் பணி புரிந்து ஓய்வு பெறும் நிலையில் இருந்தனர். ஓய்வு பெற்றபிறகு சொந்த ஊரில் அங்குள்ள அறக்கட்டளைக்கு தேர்ந்த தொண்டராக இவர்களை உருவாக்கவேண்டும் என்ற சிந்தனையில் உதித்ததுதான் மனவளக்கலை பயிற்சி  அட்டவணை.

மாதத்திற்கு ஒரு தாள் என ஆண்டுக்கு பன்னிரண்டு தாள்கள் கொண்ட  ஓர் அழகான கோப்பினை பிரம்மஞானிகளுக்கும், அருள்நிதியர்களுக்கும் தந்து ஒவ்வொரு மாதமும் அட்டவணையை பூர்த்தி செய்து மன்றத்தில் தர ஏற்பாடு செய்தோம். நூற்றுக்கு மேற்பட்டோர் இந்த கோப்பினைப் பெற்று மாதந்தோறும் தங்கள் பயிற்சி விவரங்களை மன்றத்தில்  சேர்ப்பித்தனர்.

மகரிஷி அவர்களின் ஒப்புதல் பெறாமல் செய்துவிட்டோமே என்ற தவிப்பில் மகரிஷி அவர்களை ஆழியாறில் சந்தித்து அவர்களின் கருத்துக்களையும், ஒப்புதலையும் கேட்டபோது  மூன்று  விஷயங்களை மாற்றம் செய்ய சொன்னார்கள்.

1.. உடற்பயிற்சி செய்முறையில் நடுவில் அக்கு பிரஷர் செய்தபிறகு மசாஜ் செய்ய சில பேராசிரியர்கள் வலியுறுத்தியதால் அது சில ஆண்டுகள் நடைமுறையில் இருந்தது. அதுபோலவே நாங்களும் அட்டவணையில் குறித்திருந்தோம். அதனை பழையபடி மசாஜூக்குப் பிறகு அக்கு பிரஷர் என மாற்றச் சொல்லி " இப்படி செய்தால்தான் நன்மை அதிகம். முதலில் மசாஜ் என மாற்றுங்கள் " என அறிவுறுத்தினார். இந்த மாற்றம் பொதுக்குழுவில் தெரிவிக்கப்பட்டு பழையபடியே செயல் படுத்தப்பட்டது. 

2. அடுத்த திருத்தம் ஜீவகாந்த பயிற்சி பற்றி - எங்கள் அட்டவணையில் தினமும் காலை ஜீவகாந்த பயிற்சி என குறிப்பிட்டிருந்தோம். அதனை வாரம் இரு முறை என மாற்றச் சொன்னார்கள். விளக்கம் கேட்டதற்கு மகரிஷி அவர்கள் " நான் இதில் நிறைய ஆராய்ந்துள்ளேன். தொடர்ந்து ஒரு மண்டலம் செய்து பார்த்த அனுபவத்தில் எல்லா பயிற்சிகளிலும் அளவு/முறை அவசியம் என கண்டுகொண்டேன். இதையும் வாரம் இரு முறை என மாற்றிவிடுங்கள் " என சொல்லி எங்கள் இந்த முயற்சிக்கு பலவாறாகப் பாராட்டி இந்த அட்டவணையை தலைவருக்கும் மற்றும் எல்லா அறக்கட்டளைக்கும் அனுப்பப் சொன்னார்கள்.

3. "மாதத்தின் எல்லா நாட்களும் மனவளக்களைப் பயிற்சிகள் செய்ய வேண்டுமென வற்புறுத்தாதீர்கள். 25 நாட்கள் செய்தால் போதும். ஜீவகாந்தம் மாதத்திற்கு 6 நாட்கள் செய்தால் போதும். மௌனம் ஒரு நாள் என திருத்தம் செய்யங்கள்" எனவும் அறிவுறுத்தினார்கள்.

ஏற்கனவே  இரண்டாயிரம் தாள்கள் கலரில் அச்சிடப்பட்டு பல அன்பர்களுக்கு கோப்புகள் கொடுக்கப்பட்டிருந்தன. அவற்றையெல்லாம் திரும்பப் பெற்று மூன்று ரப்பர் ஸ்டாம்ப்கள் தயார் செய்து மகரிஷி சொன்னமாதிரி அத்தனை தாள்களிலும் திருத்தம் செய்து அன்பர்களுக்கு கொடுத்தோம். ரப்பர் ஸ்டாம்ப் மூலம் திருத்தப்பட்ட அட்டவணையினைக் கீழே காணலாம்.

திருச்சி திரும்பிய பிறகு அருட்தந்தை அவர்களின் அறிவுரைபடி புதிதாக மூன்றாயிரம் பயிற்சி அட்டவணை அச்சிடப்பட்டு தலைவர், பதிப்பகம், பேராசிரிய பெருமக்கள் மற்றும் அனைத்து அறக்கட்டளைகளுக்கும் கோப்புகள் அனுப்பிவைக்கப்பட்டன.

இந்த அட்டவணை விஷன் பட்டய, பட்டப் படிப்பு பாடப் புத்தகங்களில் இடம் பெற்றது எங்களுக்கு மேலும் உற்சாகத்தினைத் தந்தது.

அருட்தந்தை அவர்களின் அறிவுரைப்படி திருத்தப்பட்ட அட்டவணை கீழே 

While publishing this post no of views of this blog - 260.561K

மகரிஷி அவர்களுடன்............5 ( 250K VIEWS OF THIS BLOG )

பெல் மன்றத்தில் எந்த நிகழ்ச்சி நடத்த  விரும்பினாலும் மகரிஷி அவர்களின் அனுமதி/ஒப்புதல் பெற நேரிலோ அல்லது தபால் மூலமாகவோ அவரை அணுகுவோம். அவ்வப்போது நல்ல ஆலோசனைகள் கூறி எங்களை உற்சாகப்படுத்துவார்கள்.

1987 ம் ஆண்டு முதல் வாரம் ஒருமுறை என்றாலும் மன்றத்திற்கு வரும் அன்பர்களின் எண்ணிக்கை பெருகிக்கொண்டே இருந்தது. வாரம் ஒரு உடற்பயிற்சி என்ற முறையில் சொல்லிக்கொடுக்க நிறைய ஆசிரியர்கள் தேவைப்பட்டனர்.

1980 தொடங்கி 1988 வரை மகரிஷி அவர்கள் ஏழு  முறை பெல் பகுதிக்கு வந்திருந்து நிகழ்ச்சிகள் நடத்தித் தந்திருந்தார்கள். மகரிஷி அவர்களைக்கொண்டே  பெல் பகுதியி ஓர் நூறு பேருக்கு அருள்நிதி பயிற்சி கொடுக்கத்  திட்டமிட்டோம். மகரிஷி அவர்களிடம் எங்கள் விருப்பத்தினைத் தெரிவித்து கடிதம் எழுதினோம். அப்போது அவர்கள் ஜப்பானில் இருந்தார்கள். அங்கிருந்து அவர்கள் எழுதிய கடிதம் கீழே -

மகரிஷி அவர்களின் அறிவுரைப்படி பேராசிரியர்கள் அ/நி K  G சாமி, லெட்சுமணன் , சுப்பு மற்றும் திருக்குறள் காளியப்பன் நால்வரையும் கொண்டு மூன்று நாட்கள் சிறப்பு பயிற்சிகள் தந்து 85  அன்பர்களை ஆசிரியர் பயிற்சிக்கு தயார் செய்தோம்.

இப்பயிற்சி பற்றிய விவரங்களைப் பிறகு தருகின்றேன்.

மகரிஷி அவர்களுடன்............4 ( 5500th BLOG POST )

1980  ம் ஆண்டு மகரிஷி அவர்கள் திருச்சிக்கு முதன்முறை வந்தபோது திருச்சி நகரில் கிளை சங்கம் ஆரம்பித்தார்கள். அதன் பகுதியாக பெல் டவுன்ஷிப்பிலும் நிகழ்ச்சி நடத்தினார்கள். 

கிளை சங்கங்கள் எல்லாம் மனவளக்கலை மன்றம் எனப் பெயர் மாற்றம் செய்யப்பட்டு பெல் மனவளக்கலை மன்றம் 1984 ம் ஆண்டு பிப்ரவரி 22ம் தேதி முறைப்படி மகரிஷி அவர்களால் துவக்கப்பட்டது.

பெல் டவுன்ஷிப் மத்திய அரசு நிறுவனத்திற்குட்பட்டதால் மன்றம் நடத்த இடம் கிடைக்கவில்லை. ஏனெனில் நாற்பதுக்கும் மேற்பட்ட பல அமைப்புகள் இடம் கேட்டு நிர்வாகத்தினை வற்புறுத்தியதால்  யாருக்குமே இடம் தரப்படவில்லை. 

பெரும் முயற்சிக்குப் பிறகு 1987 ம் ஆண்டு பெல் பாய்லர் பிளான்ட் நடுநிலைப் பள்ளியில் வாரந்தோறும் புதன் கிழமை மாலை 6 மணி முதல்  8 மணி வரை பயிற்சிகள்  தர ஒப்புதல் வாங்கினோம்.

மன்றத்தினைப் பற்றி விளம்பரப்படுத்த அப்போது கையேடுகள்/சர்குலர்கள் இல்லாததால் மகரிஷி அவர்களை அணுகினோம்.

பெல் மன்றம் என்றாலே மகரிஷி அவர்களுக்கு அவ்வளவு அன்பு, கருணை..! அறிஞர்கள் நடத்தும் மன்றம் என வெகுவாகப் பாராட்டுவார்கள். " நீங்களே ஒன்று தயார்  செய்யுங்கள். எல்லா மன்றங்களுக்கு பயன்படட்டும் " என எங்களுக்கு அன்பு கட்டளையிட்டார்கள். 

" நாங்கள் வாரம் ஒருநாள் மட்டும்தான் பயிற்சி தருகிறோம். இது மற்ற  மன்றங்களுக்கு பொருந்தாதே " என்று சொன்னபோது மகரிஷி அவர்கள் 

" நீங்கள் முதலில் உங்களுக்கு ஏற்றவாறு தயார் செய்யுங்கள். அதனை மற்ற மன்றங்கள் தேவையான மாற்றங்கள் செய்து கொள்ளுவார்கள். நீங்கள்தான் எதனையும் சிறப்பாக  செய்வீர்களே! " எனப் பாராட்டுடன்  அனுமதி அளித்தார்கள். நாங்களும் அப்போதைய சங்கம்/மன்ற செயல்பாடுகள் அனைத்தும் விளம்பரக் கையேட்டினில் வரும்படி எழுதி அக்கையேட்டினை மகரிஷி அவர்களின் ஒப்புதலுக்காக தபாலில் அனுப்பினோம். படித்துப்பார்த்த மகரிஷி அவர்களுக்கு மிகுந்த மன நிறைவு - " Approved " என அதில் தன் கையொப்பம் / தேதியிட்டு எங்களுக்கு திருப்பி அனுப்பினார்கள்.

இதனைக் கீழே காணலாம் -

இக்கையேட்டினை ஆறு பக்கங்கள் வருமாறு அச்சிட்டு முதல் பிரதியினை மகரிஷி அவர்களிடம் தந்தோம். மறுபடியும் மகரிஷி அவர்களின் பாராட்டு மழையில் நனைந்து மிகவும் உற்சாகமடைந்தோம். மகரிஷி அவர்கள் விரும்பியபடி எல்லா மன்றங்களுக்கும் இக்கையேட்டுப் பிரதி அனுப்பப்பட்டது.

இக்கையேடு ஐந்துமுறை தேவைக்கேற்ற திருத்தங்கள் செய்யப்பட்டு பெல் அறிவுத்திருக்கோயில் திறக்கப்பட்டவுடன் ஆறாவது முறையாக தேவையான விஷயங்களுடன் திருத்தப்பட்டு அச்சிடப்பட்டது.  இதனைக் கீழே காணலாம் -

பெல் மன்றத்தில் (தற்போது அறிவுத் திருக்கோயிலில்) இதுவரை ஒன்றரை லட்சம் அன்பர்களுக்கு இலவசமாக  உடற்பயிற்சி சொல்லித்தந்துள்ளோம். இன்றும் இது தொடர்கின்றது.

உடற்பயிற்சி நிறைவு செய்தால்தான் தீட்ஷை என்ற முறை இப்போதும் கடைபிடிக்கப்படுகின்றது( 12 நாள் அடிப்படைப் பயிற்சியில் ஓரளவு இதனைக் கடைபிடிக்கின்றோம் ).

அடுத்த பதிவினில் இன்னொரு செய்தியுடன்..

மகரிஷி அவர்களுடன்............3 ( 1000th POST OF THIS YEAR 2023)

கடந்த மகரிஷி அவர்களுடன் - 2 ல் (இதனைப் படிக்க இங்கே சொடுக்கவும் )  மகரிஷி அவர்களின் கடிதத்தில் கண்டபடி பெல் பகுதிக்கு 25-01-1993 அன்று நிகழ்ச்சி நடத்த திருவாரூரிலிருந்து கிளம்பி தஞ்சைப் பல்கலைக்கழகத்தில் உரை நிகழ்த்திவிட்டு 24-01-93 மாலை பெல்  நகரியத்திற்கு வருகை தந்தார்கள். அன்று இரவு முழுதும் அன்பர்களுடன் கலந்துரையாடினார்கள். மாலாவும் பற்பல கேள்விகளைக் கேட்டுக்கொண்டே இருந்தாள். மகரிஷி அவர்களும் மிகவும் மகிழ்ச்சியாக, நகைச்சுவையுடன் பதிலளித்தார்கள்.

அடுத்த நாள் ( 25-01-1993) M D அரங்கத்திற்குள் ஏற்பாடுகளைக் கவனிக்க நான் சென்றுவிட்டேன்.   கிட்டத்தட்ட  1500   பேர்கள் அமரக்கூடிய ஆடிட்டோரியம். 

மாலை நான்கு மணிக்கே பாதி அரங்கம்  நிரம்பிவிட்டது. நிகழ்ச்சி துவங்கியபோது 2500 அன்பர்களுக்குமேல்  வந்து அரங்கம் நிரம்பி வழிந்தது. ( 2500 அன்பர்களுக்குமேல் என்ற செய்தி பெல் நிறுவன  Intelligence Wing கொடுத்த தகவல்).  

" இறைவன் என்பது உண்மையில் எது? " என்ற தலைப்பில் மகரிஷி ஆற்றிய உரை வந்திருந்த அன்பர்களுக்கு மனதில் பதியும்படி எளிமையாக இருந்தது. பெரும்பாலான அன்பர்கள் முதன்முறையாக மகரிஷி அவர்களை தரிசித்து நிறைவு பெற்றதும் காண முடிந்தது.

நிகழ்ச்சி முடிந்ததும் " ஆழியாருக்குப் பிறகு இங்கேதான் இவ்வளவு அன்பர்களைக் கண்டேன். அறிஞர்கள் நடத்தும் மன்றமல்லவா! " என எங்களை பாராட்டினார்கள்.

நிகழ்ச்சியின்போது  எடுத்த  போட்டோக்கள் சில கீழே - 

மாலாவின் முதல் மேடைப் பேச்சு 

" இறைவன் என்பது உண்மையில் எது? " என்ற தலைப்பில் மகரிஷி முப்பது ஆண்டுகளுக்கு முன் நிகழ்த்திய உரை  - ஆடியோ பதிவு  கீழே  -