சிந்தனை ஞானம்

கன்பியூசியஸ் என்ற மேதைக்கு அரசன் முதல் ஆண்டி வரை எண்ணற்ற சீடர்கள். இவர் காலத்திலேயே லாவோட்சு என்ற ஞானியும் வாழ்ந்து வந்தார். ஒருநாள் கன்பியூசியஸ் தன சீடர்கள் சூழ லாவோட்சுவைப் பார்க்க வந்தார்.

லாவோட்சு ஒரு குகையில் அமைதியாக அமர்ந்திருந்தார். பக்கத்தில் ஒரு அகல் விளக்கு மாத்திரம் எரிந்துகொண்டிருந்தது.

சீடர்களை வெளியே நிறுத்திவிட்டு உள்ளே சென்ற கன்பியூசியசை லாவோட்சு கண்டு கொள்ளவே இல்லை. நாலைந்து முறை கனைத்துப் பார்த்தார். லாவோட்சுவிடமிருந்து ஒரு சலனமும் இல்லை.

" நான் கன்பியூசஸ் வந்திருக்கின்றேன் " என்று சத்தமாகக் கத்தினார்.

" அதனாலென்ன..நீங்கள் கனபியூசியசாகவே இருங்கள் " என்றார் லாவோட்சு.

அதிர்ச்சியடைந்த கன்பியூசியஸ் " நான் உங்களிடம் பேசவேண்டும் " என்றார்.

" தாராளமாகப் பேசலாமே..! ஆனால் உங்களுக்கு பதில் சொல்லத்தான் இங்கு யாருமில்லை! " என்றார். லாவோட்சு. 
கன்பியூசியஸ் ஆடிப் போய்விட்டார்.

அவர் எதிர்பார்த்தமாதிரி ஒன்றும் நடக்கவில்லை. தன்னை சுதாரித்துக் கொண்டு மெதுவாகச் சொன்னார் -

" நான் போய்விட்டு இன்னொரு சமயம் வருகிறேன்...."

வாய்விட்டு சிரித்த லாவோட்சு சொன்னார் -

" பொய் சொல்லாதீர்கள்! நீங்கள் இனிமேல் இங்கு வர விரும்பமாட்டீர்கள்!"

இந்த நிகழ்ச்சியின் மூலம் நீங்கள் அறிவதென்ன?
என்ன புரிந்தது? 


சிறந்த விளக்கம் தருபவருக்கு ஜலீல் பிப்ரன் ட்ரீட் தருவார்!